{"id":5939,"date":"2022-02-24T09:58:06","date_gmt":"2022-02-24T08:58:06","guid":{"rendered":"https:\/\/verasturies.com\/?p=5939"},"modified":"2022-02-24T09:58:08","modified_gmt":"2022-02-24T08:58:08","slug":"mio-guela-syra","status":"publish","type":"post","link":"https:\/\/verasturies.com\/mio-guela-syra\/","title":{"rendered":"Mio g\u00fcela: Syra"},"content":{"rendered":"\n
Mio g\u00fcela Syra yera una g\u00fcela ensin ed\u00e1. La so partida nacimientu perdi\u00f3se na Guerra Civil y esto aprovech\u00f3lo ella pa quitase dalg\u00fan a\u00f1u cuando volvi\u00f3 a arreglar los sos documentos. Nun se m\u2019olvida cuando-y pregunt\u00e9 cu\u00e1ntos a\u00f1os ten\u00eda y nos castig\u00f3 a min y al mio primu. Preguntar eso yera de mui mala educaci\u00f3n.<\/p>\n\n\n\n
Nacida en Bo (Ayer) yera f\u00eda d\u2019un mineru que morri\u00f3 por una esplosi\u00f3n de gris\u00fa, y de los tr\u00e9s hermanos toc\u00f3-y a ella dir pal Orfanatu Mineru d\u2019Uvi\u00e9u y ell\u00ed se cri\u00f3. Cuando ten\u00eda 9 a\u00f1os, hebo un tirot\u00e9u nel orfanatu y ella, cola curiosid\u00e1 y la inocencia d\u2019una cr\u00eda foi a asomase a una ventana pa ver qu\u00e9 pasaba y traves\u00f3-y l\u2019hombru una bala. Sangraba tant\u00edsimo que qued\u00f3 inconsciente y les dem\u00e1s cr\u00edes di\u00e9ronla por muerta y ell\u00ed la dexaron envuelta nuna manta. Pero al pasar un ratu, un sold\u00e1u di\u00f3se cuenta que sigu\u00eda viva y llev\u00e1ronla al hospital, onde la salvaron. Aquello pienso que yera una se\u00f1a de les inmenses ganes de vivir que ten\u00eda, y que bien demostr\u00f3 dempu\u00e9s.<\/p>\n\n\n\n