En Nuechebona quemamos un tueru: El nataliegu
Una tradición que se da en munchos otros territorios europeos, con distintos nomes y variaciones. N'Asturies tenemos testimoniu de persones entá vives en conceyos como Casu, Grau o Llaviana, que recuerden como nel día de Nuechebona solía echase al fueu un tueru, polo xeneral de carbayu, sobre'l restu del tueru quemáu l'añu anterior, que se guardaba. Esta quema trayía fertilidá a la casa y al ganáu, y defendía énte'l mal. Anguaño ta recuperándose nes cases, cola quema de verdá o sustituyendo ésta por adornos de lluz llétrica alredor del tueru. Vitu Raúl Pintado y Alberto Álvarez Peña asoleyaron un llibru pa promocionar esta tradición ente la reciella "Un nataliegu perbullindiegu" (Trabe, 2017)
Los regalos nun vienen a casa, faense aguilandos
Los regalos no llegaban a casa anteriormente, había que salir a buscarlos. Grupos de jóvenes recorrían los pueblos de Asturias pidiendo el aguinaldo por las casas en los días de Nochebuena, Navidad, Año Nuevo y Reyes. Los jovenes solían disfrazarse de personajes de dos tipos: los de la luz o bonitos y los de la oscuridad. La gente les daba a los jovenes comida, dulces y orujo. La tradición la están recuperando colectivos como los Sidros de Valdesoto, Os Reises del Valledor… con gran éxito.
Nun ponemos l'árbol, sinón el Ramu de Nadal
Esta tradición ta siendo recuperada con puxu en Llión. En llugar del árbol de Navidá, el Ramu de Nadal ye una estructura de madera en forma de triángulu onde se coloquen doce veles, en representación de tolos meses del añu, asina como teles, llazos y hasta dulces colgando del mesmu. Ye un elementu decorativu que paez que tien orixe precristianu.
Tenemos un mensaxeru propiu de los Reis: el Príncipe Aliatar
Delles tradiciones nun tienen tantos años, ye'l casu d'Aliatar, el mensaxeru que n'Asturies recueye les cartes a los Reis Magos nes selmanes previes a la so llegada. Esti personaxe preséntase como Alteza Real col títulu de Príncipe. La figura ta inspirada n'Ibrahim Aliatar o Alí-Atar (- 1483), llider musulmán de Granada na so dómina. Nes cabalgates de Reis siempres abre pasu Reis. El personaxe d'Aliatar creólu nos años cincuenta J.F.B., un periodista uvieín, inspiráu nel nome d'una sala de cine granadina, como él mesmu confesó nos años sesenta.
Equí nun vien Papá Noel, vien L’Anguleru
N'Asturies ta trabayándose na puesta en valor de nueves figures del Nadal. L'Anguleru ye un pescador que trai regalos en Nuechebona a les neñes y neños d'Asturies. El personaxe, creáu pola asociación Garabuxada de L'Arena, ta basáu na tradición pola que los pescadores d'anguila solíen dar regalos a los neños nos díes de Nadal, coincidiendo col aumentu de los sos ingresos pola xuba de l'angula nos mercaos. El personaxe ye cada vegada más conocíu ente los neños, y apaez nes cabalgates y otros actos per Asturies.
