Del 17 al 25 de payares, sol lema “Déxate esllumar pol meyor cine d'autor”, Xixón va convertise nun enclave pa celebrar la cinefilia cola programación de cerca de doscientes películes que se van complementar, ente múltiples actividaes, con alcuentros ente espectadores y cineastes. Una invitación al públicu pa esfrutar del cine en comunidá y nes sales y tener la oportunidá de charrar colos más de doscientos directores, actores y profesionales del sector que van visitar la ciudá asturiana por cuenta de esta cita col cine independiente internacional.
Precisamente la participación del públicu ye lo que reivindica'l cineasta Diego Llorente cola so obra, titulada M/odelo para armar. Per tercer añu consecutivu, el Festival preciede los pases de les sos proyecciones con una curtia pieza cinematográfica dirixida por un cineasta d'Asturies. “Busco da-y al espectador materia pal so pensamientu col desarme d'un modelu (de lo que ye una película, de lo que podría ser una película), pa qu'esti acabe'l procesu que yo namás echo a andar”.
Por su parte, el ilustrador y diseñador gráfico Marco Recuero se ha inspirado para realizar la imagen general del 61 FICX “nel mar y les puestes de sol, tamién nel momentu que dexa de llover y sal el sol. Agua y lluz dende un puntu de vista más astractu y, sobremanera, festivu”. Una imaxe que celebra la solidez del festival con más de 60 ediciones a los sos llombos y lo que supón esti acontecimientu, non solo pa la ciudá de Xixón sinón tamién pa la escena cinematográfica actual fuera de les nueses fronteres.
Santiago Segura va conducir la gala d'inauguración del Festival que va tener llugar el 17 de payares nel Teatru Xovellanos. El so personal sentíu del humor asitió al cineasta y presentador televisivu nel visu de la comedia del nuesu país desque nos sos entamos llamara l'atención del director Fernando Trueba que, como miembru del xuráu nel certame Cinema Jove de València, decidió premiar el so curtiumetraxe Relatos de la medianoche (1989).
Mientres l'actu d'apertura, el prestixosu director portugués Miguel Gomes va recibir unu de los Premios d'Honor del FICX, y l'actriz asturiana y gran diva del cuplé Lilián de Celis va ser homenaxada con el IV Premiu Isaac del Rivero en reconocencia a la so trayectoria.
El broche d'oru a la ceremonia va ponelu l'estrenu mundial de Lobo, película dirixida por Alfonso Cortés-Cavanillas y coescrita y protagonizada por Marian Álvarez, qu'interpreta maxistralmente a una muyer que, en compañía del so perru, va poner tierra pel mediu ente ella y la so anterior vida. El filme suma, amás, l'actuación de la siempres almirable Nora Navas, y d'otros intérpretes como Toni Acosta, Luis Callejo o Andrés Gertrúdix.
Xixón va cuntar mientres nueve díes cola presencia de personalidaes del mundu del cine, ente les que s'atopen los protagonistes de los Focos d'anguaño: la pareya de cineastes irlandeses Christine Molloy & Joe Lawlor, l'actriz y directora española Elena Martín Gimeno, y la directora de fotografía francesa Agnès Godard, a quien se-y va conceder un Premiu d'Honor en collaboración col Institutu Francés d'España y la Dirección Xeneral d'Igualdá de Muyeres y Homes.
Pel certamen xixonés van pasar tamién cineastes como Michael Winterbottom, Catherine Breillat, Lisandro Alonso, Fien Troch, Neus Ballús, Pedro Costa, Stephan Komandarev, Augusto M. Torres, Marie Amachoukeli, Léa Fehner, Samu Fuentes, Andrei Tănase, María Aparicio, Marta Lallana, María Royo y Julia de Castro, Ion de Sosa, Eneko Sagardoy o Celia Viada Caso; intérpretes como Léa Drucker, Ilinca Manolache, Nora Navas o Pascal Cervo; los músicos Raül Refree y Eric Jiménez (Los Planetas), o l'escritor Vicente Molina Foix, ente otres munches figures relevantes del cine y de la cultura.
Pal actu de clausura resérvase la entrega a la guionista Alicia Lluna del Premio Comadre de Cine concedíu en collaboración cola Conxusta Feminista Les Comadres, y l'actriz Núria Prims va recoyer, en nome del director Agustí Villaronga, el Premiu Rambal que l'asociación XEGA y el FICX otorgar a títulu póstumu.