El prestixosu diariu británicu The Guardian, na so sección Comida y Bebia, avera la cultura gastronómica a los sos llectores. Nesta ocasión, Asturies y la so fabada foi la protagonista de la sección, rindiéndo-y pleitesía y fervor a esti manxar del norte d'España.
L'últimu reportaxe rellátanos la esperiencia culinaria del autor con Asturies y distintes comíes típiques del país, procesando un fondu amor por esti platu al afayalo, «nun foi hasta l'últimu platu sabrosu que la mio lluxuria por Asturies convirtióse n'amor verdaderu. La fabada ye'l platu estrella».
L'autor foi en tou momentu acompañáu pol famosu chef, tamién asturianu, Jose Andrés. Con él tomó mesa nuna degustación d'hasta quince variedaes de comíes. Pero hasta que nun comió la fabada nun quedó encandiláu.
Foi a partir d'ende cuando la so percepción de la cocina del país camudó por completu, yá que «hasta esi momentu la mio conocencia taba fuertemente inclináu escontra la gastronomía molecular d'alta gama que convirtió'l país nun centru d'alta cocina na década de los 2000. Pero nos años siguientes, aprendí que lo meyor d'esta cocina tien un enfoque casi xaponés de la pureza y el respetu polos ingredientes», sentenció.
Pa concluyir el reportaxe, l'autor destacó l'atanante esperiencia que foi pa él la tierna, y la fabada hasta que «unos días después, regresé a mi apartamento en Nueva York todavía apestando a grasa de cerdo fundida y manzanas fermentadas. Siete meses después, compré un billete de ida de vuelta a España, donde todavía vivo», asegura.
Puedes lleer el reportaxe completu nel portal oficial del mediu The Guardian (click equí)