Hotel Restaurante Azpiazu
A la oriella de la performosa Sablera d'Aguilar, podemos atopar el HOTEL RESTAURANTE AZPIAZU. Un llugar que tien un restorán con amplios y lluminosos salones para tou tipu d'eventos gastronómicos. Ensin dulda, un espaciu perfectu pa cualquier tipu de celebración: bodes, bautizos, comuniones, cenes d'empresa, xuntes familiares… y ye que dispon d'una decoración cuidada en tolos detalles pa poder esfrutar d'una velada inolvidable. La so estensa carta especializase en mariscos y pexes frescos, que vas poder esfrutar tanto en restorán o terraza, acompañáu d'un bon vinu de la so estensa bodega. Mención especial pa la especialidá de la casa: la paella, de la que disponen de distintes variedaes (mista, de mariscu, verduras…) a tastiar previu encargu o, si lo prefieres, prepárentelo en caxa, perfectamente empaquetada pa llevar a la to casa. Amás d'una variedá de tapes, pizzas, ensalaes, hamburgueses y otros munchos platos variaos para tolos gustos. Un menú inolvidable que vas poder esfrutar tamién en casa, si pides pa llevar a casa.
Playa de Aguilar, 33150, Cuideiru
Horariu: Tolos díes de 10:00 a 23:00
Teléfono: 985 58 32 10
Restaurante Arbichera
Si busques un llugar distintu en Cuideiru, nun hai dulda de que'l RESTAURANTE ARBICHERA ye'l llugar que busques. La orixinalidá y creatividá del personal y del serviciu, d'un altu nivel acorde col nivel de los sos platos, ye lo primero que vemos en cuanto llegamos al llugar. El so sellu ye'l d'una comida casera de gran calidá, como puede vese nes sos sabroses empanaes, nel so tienru y xenerosu entrecot o na so deliciosa tarta de quesu enfornada. Amás de toa clase de productos del mar, como la so cazoleta d'amasueles y gambes o les fabes con amasueles tan típiques d’Asturies. La so especialidá ta nel cachopu de xata, de gran tamañu (encamentaos pa compartir) y l'arroz con bugre, que ye una de les grandes estrelles del so menú. Un menú que puede pidise, amás, pa llevar. Y ye que, tol que va a esti restorán, acaba repitiendo.
El Pito, 96A, 33154, Cuideiru
Horariu: Tolos díes, de 8:00 a 17:00 y de 19:00 a 22:00
Teléfono: 985 59 11 90
Bar – Casa De Comidas El Único
Pa una bona comida na que tu y la to familia sintáisvos como si tuvierais na vuesa casa, CHIGRE-CASA DE COMIDAS EL ÚNICO ye una gran opción. Y ye que tamos falando d'un llugar con un gran ambiente familiar, con un personal cercano, atentu y amable que te va facer sentir cómodu en tou momentu. Cuenta con una terraza llibre ideal para dir con neños o inclusive se permite llevar a la to mascota, qu'a lo último ye un miembru más de la to familia. Tou cumpliendo a raxa tabla les normes de seguridá ya hixene que tan importantes son nestos díes que nos tocó vivir. Con tou esto, cuenta con una estensa carta de comida casera como'l nuesu "cachopón" (recién cortáu y de un tamañu pocu común), platos combinaos, tapes de pexes, sartenes, tostas y, sobremanera, les nueses tables. Tou eso en raciones bien grandes coles que de xuru naide se quedará con fame. Si quies visita-yos, asegúrate d'acutar antes, van atendete encantaos.
Oviñana, s/n, Cuideiru
Horariu: Tolos díes de 10:00 a 00:00 (martes pesllao por descansu del personal)
Teléfono: 985 59 70 37
Casa Fernando II
Enclaváu na paraxa natural d’Entrecabos, atópase l'hotel y restorán CASA FERNANDO II. El llugar nun puede ser más privilexáu, yá que s'atopa bordiáu pola villa de Cuideiru y la sablera natural Concha d'Artéu. Ente les sos especialidaes, destaquen el repollu relleno de mariscu, virrei al llombu, merluza “el pinchu” y otros munchos productos del mar, yá seyan mariscos o pexes. Y ye que los productos del Mar Cantábricu tienen una frescura y calidá garantizada, al recoyese directamente de la rula de Cuideiru. Amás, podemos esfrutar d'otres comíes locales como fabada, pitu caleya o carne de xata asturiana. Tamién tenemos postres caseros deliciosos colos que rematar la comida: dende arroz con lleche a los famosos frixuelos, pasando por dulces como'l requesón y les bollinas. Y tou esto, bañáu colos meyores vinos de la so amplia bodega.
Dirección: Rellayo, 0 S-N, 33150 Cuideiru
Horariu: De llunes a vienres de 7:00 a 17:30, sábados de 9:00 a 17:00 y domingos de 9:00 a 18:00
Teléfono: 985 59 13 82
Cafetería Las Velas
Si t’apetez sentite nun ambiente templao, distendíu y esfrutar d'una xinta ente amigos, CAFETERÍA LAS VELAS ye'l to sitiu. Un llugar nel que tol mundu, dende los sos empleaos a la clientela, van faete sentir como si tuvieres na to casa. Vas esfrutar d'unes xintes estupendes, amás de pinchos y tapes de too tipu, ente les que tol mundu destaca la so ablucante y xugosa tortiella. Ensin escaecenos que cunta tamién con fastásticos almuerzos con tostaes de pan auténtico, bollería y zusmiu natural. Too ello ellaboráu de forma casera. Amás, na xinta, ufiértente un pinchu caliente gratis cola to consumición. P'ampliar entá más esi ambiente distendíu y familiar, del qu'ensin dulda vas poder esfrutar nesti llugar, na parte de riba vas atopar xuna zona de xuegos na qu'esfrutar colos tos amigos de tola vida y los nuevos qu'ensin dulda vas faer equí. Cuenta con billar, futbolín y diana. Un llugar encantador onde sentite acoyíu.
Dirección: Calle Juan Antonio Bravo, numero 20, 33150 Cuideiru
Horariu: Tolos díes de 7:00 a 23:00 (miercoles pesllao por descansu del personal)
Teléfono: 984 18 62 14