Lara Alcázar ye una fotógrafa y activista feminista española, líder de Femen en España dende mayu de 2013. Cursó los estudios de Hestoria del Arte na Universidá d'Uviéu. Considérase feminista dende los 16 años d'edá y participó n'otros movimientos feministes y estudiantiles, como'l PCA (Partíu Comunista d'Asturies), la UHP (Unión d'Historiadores Progresistes), CSOA La Madreña, y Milenta Muyeres y Moces. Decidió xunise a Femen -esplicó en delles entrevistes- por sentir que'l trabayu de grupu representaba lo qu'ella deseyaba faer como activista.
Pa Lara, les muyeres tienen munches árees poles que lluchar, como igualdá de sueldu, empoderamientu económicu, y el fin de la violencia de xéneru, ente munchos otros. Estableció contactu con Inna Shevchenko, de Femen International, pa manifesta-y el so interés de crear la caña española del grupu, dempués de participar nel sofitu al casu de Amina Tyler, una activista d'orixe tunecín que foi secuestrada pola so propia familia, dempués de qu'ella publicara nuna rede social una semeya na que s'amosaba semidesnuda, con un llibru y un pitu.
Ye considerada la cara de Femen, anque la formación de la caña española del grupu llevóse a cabu xunto con Indira, una activista animalista orixinaria d'Alxecires, en Cádiz qu'anguaño nun forma parte del grupu.
Lara Alcázar afirma tener el sofitu de la so familia pal so activismu dientro de Femen y considera que les protestes col pechu desnudu nun representen motivu de vergüenza o pudor. La relixón nun me paez compatible col feminismu, ye una ideoloxía dafechu patriarcal na que Dios, l'amu y el maestru, ye un home y nella la muyer siempres va tar torada por mandatos machistes. Periodicamente FEMEN España entama xornaes de bienvenida, entrenamientu y formación a nueves activistes.