Los pimientos rellenos tán de vuelta en Blimea (Samartín del Rei Aurelio). Un añu más va llevase a cabu unu de los eventos culinarios más esperaos del añu: les Xornaes de los Pimientos Rellenos. Celebra la riqueza gastronómica, atrai a amantes de la bona comida y curiosos per igual mientres dellos díes enllenos de sabor, tradición y allegría. De gran tradición y con más de cuarenta años d'antiguedá, esta fiesta entronca cola cultura tradicional de la cuenca minera, que cultiva l'arte culinario y xúnelo cola esaltación de l'amistá al rodiu de la mesa.
Amás de les manifestaciones gastronómiques, que son la esencia de la fiesta, esiste un ampliu programa d'actos culturales. La celebración dura dellos díes nel intre de los cualos preséntase'l Pregón de los Pimientos Rellenos cola entrega del Pimientu d'Oru. Amás, tamién hai conciertos, actuaciones folclóriques, concursu de pimientos rellenos, representaciones teatrales, mercadín de segunda mano, cantar asturianu, fútbol, bolos, xuegos pa neños, etc.
Bien d'ambiente y animación nesti homenaxe gastronómicu y cultural al pimientu morrón rellenu de carne o de bonitu. En deifinitiva, una fiesta que conecta cola cultura de la cuenca minera de cultivar l'arte culinario y l'esaltación de l'amistá al rodiu d'una mesa saludable y siempres dispuesta a sosprender.
Anguaño, tienen el placer d'otorgar el pimientu d'oru a Conchita García Rodriguez, “Conchita la cubana”. va otorgáse-y pola so trayectoria como misionera n'Africa, y pola so solidaridá en distintos ámbitos, ayudando siempres al que más lo precisa. Amás, va tar acompañada por Diego Macias, (Antiguu cura de la parroquia de Blimea) que va ser el pregoneru nesta XLVII edición.
Taller infantil, gaitas, concierto de la Masa Coral de Laviana, sesión vermut, concurso de pimientos, la llegada de la navidad a Blimea, mercadillo navideño, obra de teatro, Tekila, Waykas, Grupo d’cano, Abel SM… Y, como no, el menú gastronómico de los Pimientos Rellenos que ofrecen los restaurantes locales. Puedes encontrarlos en Sidrería San Mames, Sidrería El Crespo’s, Bar El Curro y Bar Pepe Luis.
6,7,8 y 9 de diciembre… ¡La fiesta está en Blimea con los pimienos rellenos!