Dempués de dos años ensin celebrase por razones sanitaries, Porrúa celebra'l sábadu y domingu próximos el so Mercáu Tradicional, que foi pioneru n'Asturies y que en cada edición foise arriqueciendo con nueves actividaes culturales. Dichu eventu convirtióse nuna de les cites con más arribación de públicu de les celebraes en tol oriente asturianu.
El Mercáu Tradicional de Porrúa ye un referente de les actividaes que se desenvuelven nel ámbitu de la cultura tradicional asturiana, de l'artesanía (combinando esposición, vienta y actividá de talleres), de la gastronomía y de los productos agroalimentarios.
Éstes vense complementaes con diverses y variaes actuaciones d'animación a lo llargo de los dos díes, polo que'l conxuntu resulta una atracción que resulta un productu turísticu de gran interés, que contribúi a fomentar de forma tresversal los distintos sectores de la economía del mediu rural: agroalimentación, artesanía, turismu rural, etc.
Cien artesanos, ocho puestos de comida y bebidas, dos bandas de gaitas, dos bandinas de música folk (en concierto); dos grupos de baile tradicional, varios intérpretes de canción asturiana, dos grupos de teatro de calle, un grupo de títeres y espectáculos, darán vida a un espacio singular, como es el Parque de Porrúa, y sus aledaños.
El pasacai inicial d'acaldía va ser a les 12:30 h y el de la tarde a les 17:00 h. El sábadu les actuaciones musicales van ser a les 23:00 h, terminando a la 1 de la mañana. El domingu los actos van rematar a les 22:00 h.
La organización del Mercáu cuerre al cargu de la Asociación Cultural Llacín, con sofitu del Conceyu de Llanes y Caxa Rural d'Asturies.