Dempués del parón por cuenta de la pandemia pol coronavirus, vuelve un añu más el festival Tsunami de Xixón. Un festival enfocáu principalmente al punk-rock que destacar por ser unu de los más famosos de too el norte de la península. El festival, un de los más esperaos de los aficionaos a esti tipu de música y qu'axunta a dalgunos de los grupos más importantes del panorama internacional, va celebrase na villa asturiana mientres trés díes: el 28; 29 y 30 de xunetu. El festival va celebrase en distintos puntos de la ciudá cuntando con un serviciu d'autobús ente ellos.
Les entraes tán yá disponibles na so páxina web nel siguiente enllaz: https://www.tsunamixixon.com/entradas/ a un preciu de 45 euros por un día (85€ si quies un abonu polos trés díes). Trés díes nos que vivir la vuelta de la meyor música en directu en Xixón, amás d'un montón de novedaes y un montón de sorpreses que tien preparaes para anguaño tan especial. Amás de los conciertos, van cuntar con food tracks cola meyor gastronomía y bébores, y hasta una zona de descansu y glamping de pagu con servicios de vixilancia, ducha, cafetería y más.
Nesti momentu, yá tán confirmaos nomes como Dropkick Murphys, Lagwagon, Ska-p, Flogging Molly Airbourne o Clutch ente otros munchos. Amás, va haber presencia de grupos asturianos como Desakato, o Escuela d'Odiu. Ensin escaecenos de los conciertos gratuitos que van ufiertar Los Bárcenas y Main Line 10 (vienres 29 de xunetu), y Calivvla y Pernomaos Patilludos (sábadu 30 de xunu).
De nuevu, la música, gastronomía, sablera, surf, skate,y sobretou muncha diversión vuelven a Xixón y te van tar esperando nel festival Tsunami cola meyor música en vivu que vas poder esfrutar en Asturies esti branu.