Si lo tuyo ye'l monte y busques daqué más qu'un simple paséu, n'Asturies vas atopar l'aventura perfecta. De la mano de guíes titulaos y con gran esperiencia, vas poder vivir el senderismu, los trekkings, les ascensiones o les rutes con raquetes como nunca antes, afayando paisaxes únicos y aprendiendo a esfrutar de la naturaleza de forma segura y auténtica. Yá seya que quieras formación, turismu activu o a cencielles una esperiencia inolvidable, equí vas atopar la meyor compañía pa percorrer el monte y vela dende otra perspectiva.

Guías Cantábricos

Montañismu, senderismu, raquetes de nieve, ascensiones, trekking, esquí de travesía o ecoturismo… Con Guías Cantábricos vas poder vivir el monte en toles sos formes, de la mano d'un equipu con gran esperiencia y pasión polo que faen. Fueron pioneros nes rutes con raquetes de nieve n'auténtiques redolaes de monte, afeches a tolos públicos, y amás ufierten actividaes úniques como'l senderismu etnográficu, que dexa conocer los pueblos dende dientro, entendiendo la so esencia y respetando siempres a quien los habiten. Tamién imparten cursos de formación n'alpinismu ivernizu, esguilada, orientación o primeros auxilios, pa qu'esfrutes del monte con seguridá y enfotu. Si busques aventura, aprendizaxe y afayar la verdadera identidá d'Asturies, nun lo pienses más: ¡failo con Guíes Cantábricos!

Teléfonu: 620 36 36 21
Páxina web: guiascantabricos.com

Trekkings y Cimas

Senderismu, rutes con raquetes, vivacs en sitios de suañu, travesíes de dellos díes, xubíes a cumes y muncho más… Con Trekkings y Cimas podrás descubrir la montaña d’otra manera, acompañáu por Víctor Morán, guía tituláu en Media Montaña y miembru de la AEGM. Cada ruta ye una invitación a esfrutar del turismu activu en plena naturaleza asturiana y na Cordelera Cantábrica, viviendo esperiencies auténtiques que quedarán grabaes na memoria. Cola profesionalidá, l’entusiasmu y les histories d’un bon guía, cada salida conviértese nuna aventura irrepetible. Porque la montaña entiéndese meyor cuando la compartes con daquién que la conoz a la perfección… ¡Anímate y vive, siente y esfruta la montaña con Trekkings y Cimas!

Teléfonu: 636 783 656
Páxina web: trekkingsycimas.com
Instagram: @trekkingsycimas @vitymoran0031