La Vuelta a España sigue pedaliando per tol territoriu y, como siempres, Asturies va tar presente un añu más, siendo xueza de la carrera gracies a los sos duros montes y con dos finales que son hestoria del ciclismu. Va ser mientres los díes 1 y 3 de setiembre y, de siguío, amosémosvos les etapes asturianes nesti añu 2024.
Etapa 15: L’Infiestu – Cuitu Negru
La primer etapa que va rematar en tierres asturianes (non asina la primera que trescurra per elles, ya qu'el día anterior va pasar per Cangas del Narcea), va ser na conocida ascensión de Valgrande-Payares. Cuitu Negru, un puertu de categoría especial y que remata a 1847 metros d'altitú. Enantes d'esa meta, la culiebra multicolor va partir de L’Infiestu y va surcar l'asfaltu al traviés del Altu de la Col.ladiel.la en dos veces y l'Altu de Santu Emilianu, pasando per poblaciones como Nava, L’Entregu, Mieres o La Pola L.lena.
Etapa 16: Lluanco – Llagos de Cuadonga
Tres la xornada de descansu'l día 2 de setiembre, el pelotón volverá percorrer Asturies el martes 3. Con salida dende la localidá gozoniega de Lluanco, el platu fuerte va ser la meta, cola mítica xubida a los Llagos de Cuadonga, non ensin antes xubir el Mirador del Fitu y la Collada Llomena y pasar por poblaciones como Xixón, Les Arriondes o Cangues d’Onís, ente otros. El míticu cumal va ser xueza, probablemente, del desenllaz final de la carrera, yá que s'atopa a pocos díes del final de la ronda.
