Baduxu ye una aldea medieval asitiada nel conceyu de Proaza y ta declaráu Bien d'Interés Cultural dende l'añu 2009.
Davezu atopamos llistes interminables de coses o destinos a los que dir siquier una vegada na vida. Banduxu ye una d'eses estampes que non te van dexar indiferente, a la que vas querer volver y onde vas notar que se detien el tiempu.
Esta aldea d'apenes 40 habitantes, merez toos estos halagos y munchos más pola so arquitectura medieval perfectamente cuidada, unes fascinantes vistes y un paisaxe que creció ente llonxeves tradiciones. Banduxu alzase na zona central d'Asturies, dende lo alto de les montes que lu arrodien conxugase col verdor de la so naturaleza en perfecta sintonía. L'aldea de Banduxu estremase en siete barrios qu'encarnen como nengún otru sitiu la cultura medieval: La Reguera, La Molina, Palaciu, Toral, El Barreiru, Antelaiglesias y Campal.
Adentrándose nes sos caleyes podemos ver horros antiguos, so ellos guarden instrumentos como rastros o corzas, cestos fechos con cañes d'ablanar para llevar preseos del campu. Tamién podemos visitar un antiguu llavaderu perbién calteníu, cases de piedra con encantu y el so peculiar campusantu onde les tumbes nun tienen llábanes nin dueñu. Asina, cuando daquién muerre, ocupa'l llugar d'aquella persona que más tiempu lleva soterrada ellí. N'ese mesmu campusantu celébrase una de les tradiciones con más vistosidá cuidao que que nel Día de los Difuntos, les tumbes decórense y cubren con flores, una costume que los sos paisanos caltienen arguyosos hasta anguaño. Otra de los intereses de los sos habitantes ye la flor de los partos como ximistría. Yera ésta una flor seca, que se ponía al llau de les parturientas, nun vasu d'agua, y abríase como señal de que tou diba dir bien.
Ensin dulda, esta aldea que paez detenida nel tiempu, ye ideal para desconectar del nuesu día ente día pa conectar con nós mesmos. Un llugar onde naturaleza, silenciu y hestoria son los protagonistes. Banduxu ye un cachu de maxa nel nuesu Paraísu Natural. Merez la pena descubrilo. Siquier, una vegada na vida.