El nuesu compromisu
Cuatro Gotes Producciones SL quier que VerAsturies pueda usase col mayor númberu posible de dispositivos y formes de navegación. El nuesu oxetivu ye cumplir el nivel AA de les WCAG 2.2.
Esta declaración nun ye una certificación esterna de conformidá: describe les medíes aplicaes y les comprobaciones feches nesta versión.
Medíes aplicaes
- HTML semánticu, etiquetes visibles y orde d’encabezamientos coherente.
- Navegación completa per tecláu, focu visible y enllaz pa saltar al conteníu.
- El menú atrapa’l focu mientres ta abiertu y devuélvelu al botón que lu abrió.
- Los formularios lleven etiqueta visible en cada campu —non un marcador que desapaez al escribir— y los avisos de resultáu anúncienlos los llectores de pantalla.
- Les imáxenes que son información lleven testu alternativu; les de decoración van escondíes pa los llectores de pantalla.
- Árees táctiles amplies, diseñu adaptable dende 320 píxeles y soporte de zoom.
- La revista pue baxase en PDF, que ye la salida pa quien precise otru programa.
Comprobaciones feches
La versión del 17 d’agostu de 2026 comprobóse con navegación per tecláu, tamaños de pantalla ente 320 y 1280 píxeles y validación automática del códigu. Enantes de declarar conformidá completa falta una revisión manual con llector de pantalla, zoom al 200 % y al 400 %, y una prueba nun Android físicu.
Compatibilidá prevista
El sitiu ta diseñáu pa les versiones actuales de los navegadores. La mayor parte llese ensin JavaScript; el llector de la revista sí lu precisa, y por eso lleva siempre la descarga del PDF al llau.
El conteníu embebíu d’otres empreses —vídeos y mapes— nun ta baxo’l nuesu control y pue nun ser accesible.
Contautu
Pa comunicar una barrera d’accesibilidá, indica la páxina, el dispositivu o ayuda técnica y una descripción del problema. Escribi a info@verasturies.com o pel formulariu de contautu.