Los Guilandeiros de Tinéu anunciaron qu'anguaño van revivir la so tradicional mazcarada'l sábadu 15 de febreru de 2025. Les localidaes escoyíes pa esta edición son Oubona y Campiel.lu. Pela mañana, van visitar Oubona, y pela tarde, van percorrer Campiel.lu. Trenta y tres persones van participar na mazcarada, llevando la tradición y la fiesta a los vecinos y visitantes al son de la gaita.
La visita a Oubona ye especialmente significativa, una y bones l'investigador Aurelio de Llano documentó va más de cien años la presencia de los guilandeiros nesti pueblu. Esta tradición foi recuperada en 2012 polos investigadores Elías Veiga y Rosa Fernández, quien, tres un fondu trabayu de campu, llograron revivir esta antigua costume. De magar, el grupu creció y garantizó la continuidá d'esta celebración.
En 2025 cumpliéronse trece años dende que los investigadores Elías Veiga y Rosa Fernández recuperaron esta antigua tradición. Tres un fondu trabayu de campu pa entender los personaxes y particularidaes de la mazcarada, formaron un grupu que nun dexó de crecer, asegurando la so continuidá. El so oxetivu siempres foi claru: que tol mundu sepa qu'en Tinéu esistieron los guilandeiros. Agora, tou ta llistu pa la próxima celebración.
