Flores Ana ye un negociu familiar con una llarga trayectoria nel comerciu floral n’Uviéu. Los sos oríxenes tán nel mercáu del Fontán, onde Anita entamó vendiendo flores, y dende entós l’actividá pasó de xeneración en xeneración. Anguaño son los sos descendientes quien siguen al frente del establecimientu, calteniendo una manera de trabayar basada na cercanía cola clientela y nel cuidu del productu. Feches como San Valentín supón unu de los momentos de mayor actividá. Nesos díes, munches persones escueyen regalar flores a la so pareya, un detalle cenciellu que sigue teniendo bona acoyida. Los ramos y composiciones adáptense a distintos gustos y presupuestos, con especial atención a la flor fresco y de temporada. En Flores Ana trabáyase con una selección amplia de flores y plantes, lo que permite ufiertar opciones variaes tanto pa regalos como pa decoración. La esperiencia acumulada a lo llargo de los años facilita un asesoramientu personalizáu, especialmente en campañes señalaes como la del 14 de febreru, cuando la demanda aumenta.

Dirección: Cai González Besada, 23, Baxu, Uviéu

Horariu: Llunes a vienres de 9:30 a 14:00 y de 17:00 a 19:30. Sábados de 10:00 a 14:00.

Teléfonu: 985251034

Páxina web: www.floresana.es