El cine n’asturianu llega a Cabrales mientres el próximu mes, con trés proyecciones interesantes sobre la cultura y la hestoria asturiana. Va ser nel atenéu d’Arenas y va empezar esti mesmu vienres 29 de payares. Les cites van allargase hasta’l próximu 12 d’avientu. Les películes escoyíes pa esti ciclu de cine son les siguientes:
Bernabé (29 de payares)
El primer llargumetraxe rodáu n’asturianu. Cunta la hestoria de Bernabé Ruenes, un fugáu que se convertiría en lleenda y del que se sigue falando n’Asturies décades dempués.
Atiendi, Asturies, atiendi. 50 años de Conceyu Bable (5 d’avientu)
Un homenaxe al llabor que llevaron a cabu los homes y muyeres integrantes de Conceyu Bable, organización que lluchó pola dignificación y recuperación del asturianu, la cultura asturiana y l’autonomía d’Asturies nos tiempos de la Transición.
Nun se dice ye, se dice es (12 d’avientu)
Un documental qu’amuesa’l testimoniu vivu de la represión llingüística exercida na Asturies del Franquismu y sobre manera, dientro del sistema educativu.
