La revista VerAsturies sacó yá’l so númberu 19 dedicáu al branu y les folixes, munches d’ellos tornando dempués del parón pol andanciu del Coronavirus. La folixa de San Xuan en Mieres, les virtudes de los ríos de Pravia, detalles de la Traveserina o les maraviyes braniegues de conceyos como Morcín o Castrillón protagonicen esti númberu que destaca qu’Asturies vuelve enllenase de propuestes d’ociu p’aprovechar los díes soleyeros que tán por venir. La revista de VerAsturies.com ufre una escoyeta de propuestes pa que sigas descubriendo Asturies de punta a punta acordies colos tos intereses y aficiones.
Puedes atopar la revista en cases de cultura, hemeroteques, biblioteques, oficines de turismu o otros centros culturales de baldre. Amás, tamién puedes ver la revista al traviés de issu faciendo click equí: https://issuu.com/verasturies/docs/revista_viaxast_19_ver_asturies