La pasada nueche del vienres 8 d'ochobres, el raperu freestyler uvién Gabriel Sánchez Poyal (conocíu como Gazir) coronóse como campeón nacional na batalla de gallos Red Bull España. Asocedió en Madrid, nun WiZink Center atarraquitáu (6000 persones asistieron para ver esta final). Ende supero a otros freestylers como Mister Ego, BTA, Tripa y Sweet Pain. Foi al vencer ésti últimu, que Gazir coronóse campeón d'esta edición.
Esta victoria supón pa Gazir la posibilidá d'asistir a la final internacional en Santiago de Chile onde va acompañar al vixente subcampeón Skone, que va tener llugar nes próximes feches.
A los sos 19 años, Gazir partía yá como favoritu a llevase'l títulu y nun defraudó. Y ye que fai menos d'un mes, alzóse tamién cola corona mundial de Freestyle Máster Series (FMS) Internacional. Toa una promesa del rap.
