131 años ensin Fuertes Acevedo

Máximu Fuertes Acevedo, polígrafu hasta ser casi un home del Renacimientu, morrió fai 131 años, dexando un enorme legáu d’estudios a pesar de la brevedá de la so vida, de solo 57 años.

Güei so nombre da llugar a una cai n’Uviéu y al premiu por excelencia de ensayu en llingua asturiana. De forma más que merecida, ya que si daqué fizo Máximo Fuertes Acevedo (1832-1890) foi patria y estudiu. Hai que dicir, eso sí, que tampoco lo tuvo difícil, ya que el uvieín procedía de una familia rica: so padre yera consultor del obispáu, y él mesmu destacó nos primeros estudios que, n’Uviéu, le proporcionaron conocimientos humanistes, científicos y literarios. Pa 1849, el añu en que entamó la universidá, quien sería destacáu polígrafo -esto ye: que escribe, y con soltura y realengo, de munches y mui variaes coses- asturianu ya tenía nociones de les ciencies naturales, de la filosofía y del derecho y, amás, de llingua griega. Se licenciaría en 1856, ya en Madrid, llegando a destacarse en distintes facultades como un docente de capacidaes innates na enseñanza de la Historia Natural y les ciencies naturales.

Uviéu, Santander, Figueras, Badajoz fueron sos destinos en una época na que, ya lo ven, al profesoráu tamién se le hacía ser culo de mal asiento. Poco hemos cambiáu nos más de ciento cincuenta años que median ente Fuertes Acevedo y nosotros. Pero, y si se movió tanto de un llugar a otru, ¿por qué destacarlo como ensayista nel mundu asturianu? Fácil: la pluma de Fuertes Acevedo transitó por too tipu de temes, incluso hasta por el darwinismu, que defendió denodadamente en una época na que nun yera fácil hacerlo. Tampoco pa Fuertes Acevedo, que pagó con creces el atrevimientu al ser destituíu como director de instituto. Pero tamién escribió sobre la vida del marqués de Santa Cruz de Marcenado, tirando por les humanidaes, o, nel ámbito más científicu, elaboró un extenso manual sobre mineralogía asturiana, referencia durante nun poces décaes nel estudiu de la mesma.

Otru de los sos ensayos, dedicáu a los escritores asturianos, foi mercáu pola Biblioteca Nacional, que nunca nun lo llegó a espublizar. Y, poques gracies, anque nun-y diera puntos pa la cátedra, tamién divulgó estes y más idees, pal común de los mortales, dende les sos tribunes de ‘El Carbayón’ o la Revista d’Asturies’, onde sí pudo llegar a ver la lluz el so ambiciosu ‘Ensayu d’una biblioteca d’escritores asturianos’. Engarrosu mundu, bien lo supo Fuertes Acevedo nos sos díes, y poco camudó de magar, el de poder llegar a divulgar con plena llibertá. Nel casu del carbayón, y anque los méritos fueren a reconocése-y n’abundancia… quiciabes llegaron un pocoñín tarde.