4 festivales gastronómicos de la cuenca minera d’Asturies

Pimientos rellenos en Blimea

Esta fiesta, que se fai toos los años na población minera de Blimea dende fai ya 40 años, ye la única especializada nos pimientos rellenos d’Asturies. Amás de la celebración y los menús que ofertan la comida, hai diversos actos culturales: se presenta el Pregón de los Pimientos Rellenos cola entrega del Pimiento de Oru, amás de conciertos, actuaciones folclóriques, concurso de pimientos rellenos, representaciones teatrales, mercadillos de segunda mano, canción asturiana, fútbol, bolos, o xuegos pa los más pequeños, ente otros.

Los nabos en Sotrondio

Sotrondio ye la población qu’acueye tolos 11 de payares de cada añu la fiesta de los nabos. Esta celebración coincide cola festividad de San Martín de Tours, que ye’l patronu del municipiu, y amás de la degustación d’un pote de nabos perbono, los actos principales son la misa solemne, la puya’l ramu, los pasucais de gaita y tambor, dances tradicionales y la entrega del Nabu d’Oru, que se concede cada añu a una personalidá destacada.

Xornaes de la fabada en La Felguera

Avientu ye’l mes de les fabes en La Felguera, y ye que, cada añu, la Sociedá de Festexos y Cultura San Pedro de La Felguera prepara un programa culinariu al rodiu d’esti platu tradicional asturianu. Mientres un fin de selmana, nesti llugar pueden prebase delles propuestes de la fabada, con un concursu l’últimu día de celebración que define la meyor fabada.

Xornaes de los callos en Ciañu

En Ciañu, con 42 ediciones yá feches, celebren les xornaes de los callos nel mes d’ochobre, unes xornaes nes que, al rodiu d’esti platu, se faen conciertos y menús nos principales establecimientos hosteleros de la zona, y tamién un concursu pa determinar los meyores callos. Amás, inténtase homenaxear a daquién cada añu.