Asitiáu na zona central d’Asturies, los Valles del Osu conformen tou un espectáculu de valles, escobios, montes, praos y mayaes ente los 100 y los 2.400 metros d’altitú onde’l tiempu paez detenese pa face-y un espaciu a les últimes poblaciones del osu pardu, qu’esfruten de la llibertá y la complicidá que-yos brinda la naturaleza d’esti apartáu llugar. Conocíu como los Valles del Osu, esti territoriu ta formáu polos Conceyos de Proaza, Quirós, Santu Adrianu y Teberga. Ellí podrás conocer enclaves tan únicos como’l Parque Natural de Les Ubiñes, l’Altu Valle de Quirós o la famosa Sienda del Osu. Somórguiate nos Valles del Osu y conoz la naturaleza del osu pardu.
Teixu de Bermiego
Unu de los árboles más antiguos de tol territoriu européu. Asitiáu xunto a la ilesia de Santa María, les sos dimensiones llamen l’atención con 13 metros d’altor, 6,82 metros de diámetru y 15 metros de diámetru de copa. Cunta la tradición que mui cerca d’ellí pasaron les reliquies del Arca Santa, nel so llargu periplu dende Xerusalén hasta la Catedral d’Uviéu. Quién sabe…
Banduxu
Esta aldea d’apenes 40 habitantes, merez toos estos afalagos y munchos más pola so arquitectura medieval perfectamente cuidada, unes fascinantes vistes y un paisaxe que creció ente llonxeves tradiciones. Banduxu alzase na zona central d’Asturies, dende lo alto de les montes que lu arrodien conxugase col verdor de la so naturaleza en perfecta sintonía. L’aldea de Banduxu estremase en siete barrios qu’encarnen como nengún otru sitiu la cultura medieval:La Reguera, La Molina, Palaciu, Toral, El Barreiru, Antelaiglesias y Campal.
Parque de la Prehistoria
El Parque de la Prehistoria de Teberga ye un proyectu orixinal ya inéditu nel ámbitu européu, un llugar pa conocer el pasáu y entender la evolución del home, coles mesmes qu’afayar l’orixe del arte. Cuenta con cinco espacios d’animales con seis especies distintes. La incorporación d’estes especies ye una iniciativa que busca’l caltenimientu y la integración d’estos animales que vivieron fai miles d’años nestos mesmos espacios. Asina podemos reparar en vivu a los animales que yá pintaben los nuesos antepasaos.
Ilesia de Santu Adrianu de Tuñón
La ilesia de Santo Adriano foi fundada pol rei Alfonso III y la so esposa Jimena nel añu 891. Tien planta rectangular, con trés naves separaes por arquerías de mediu puntu sobre pilastres cuadrangulares de piedra, cubierta de madera a dos enagües y cabecera rectangular triple con bóvedes de cañón, siendo más alta la de la capiya central, sobro ésta atópase una habitación solamente accesible dende l’esterior, al traviés d’una ventana aximezada. Los restos decorativos más importantes son les pintures murales, principalmente na capiya mayor, contemporanees de la construcción de la ilesia.
