Gea Cosmetics
Curiar y respetar la nuesa naturaleza nun tien por qué tar reñíu con curiar el nuesu cuerpu y eso ye daqué qu’en Gea Cosmetics tienen bien claro. Tratase d’una tienda especializada en cosmética natural y ecolóxica procedente de cultivos ecolóxicos, col respetu pol mediu ambiente como seña d’identidá. Na so tienda de la cai Suárez de la Riva, vas poder atopar regalos interesantes, como la cosmética zero waste (“cero residuos”), compuesta por productos con certificaos ecolóxicos fechos por empreses que respeten el mediu ambiente, tanto nos productos como nel empaquetado de los mesmos. Tamién podemos atopar, ente munches coses, cestos ecolóxicos ideales pa los regalos d’estes feches. Gea Cosmetics prepara estos productos esclusivos y personalizaos. Amás, envuéntelos ellos mesmos ensin costu adicional.
Dirección: Cai Suárez de la Riva, 1
Horariu: De 10:30 a 14:00 y de 17:00 a 20:00 / Sábados de 11:00 a 14:00
Teléfonu: 652 51 71 33
El últimu mono
El Último Mono ye una tienda multimarca especializada, principalmente, en ropa pa home y muyer, asitiada en plenu cascu históricu d’Uviéu. Tratase d’una tienda que pon percima’l consumu sostenible y comerciu xustu, poniendo a la vienta namá priendas feches con fibres naturales, y materiales reciclaos. En El Último Mono prioricen la fabricación n’España y Europa, cuntando con marques que son seña de la so identidá como SKFK, Lluna Brands, Makia Clothing, Batela o Merc. Camises, camisetes, polos, abrigos, vistíos, chubasqueros, faldes, pantalones… son namá dalgunos de los productos que podemos atopar na so tienda. Amás, en El Último Mono puedes atopar tamién dellos artículos de regalu, calzáu, taces o discos de vinilu perfectos para regalar estes navidaes.
Dirección: Cai Magdalena, 3
Horariu: De llunes a vienres, de 10:30 a 14:00 y de 17:00 a 20:00 / Sábados de 10:30 a 14:00
Teléfonu: 984 08 82 28
Leonce
Leonce Shop nació va venti años na frontera ente España y Francia. Dende entonces, esta tienda especializada en ropa y complementos pa muyer, foise espandiendo hasta llegar a la nuesa capital. N’Uviéu, podemos cuntar con esta tienda multimarca na que la ropa calidable, la calidá natural de los sos materiales y la producción responsable, son seña d’identidá. Prueba d’ello son marques como Maevy, Penn&Ink, Reiko, Mon Pull, American Vintage… y munches otres que comparten con Leonce la so pasión pola bona ropa, con creaciones úniques y atemporales. Lo meyor ye qu’en Leonce, más que vender asesoren, yá que vamos poder esfrutar d’un detalláu tratamientu personalizáu que n’Uviéu ta al cargu de Arancha Álvarez y Luisa de Diego.
Dirección: Cai González del Valle, 11
Horariu: De llunes a sábadu de 10:00 a 20:00
Teléfonu: 985 21 98 26
Mónica Aparicio Joyería
La hestoria asturiana brindónos dende va sieglos una base cultural bien rica y de la que orgullecernos. La cultura celta y prerrománico foi un regalu en forma de tradiciones, símbolos y obres d’arte arquitectónicu de la que los asturianos sentímonos siempres bien arguyosos. ¿Y por qué nun regala-y a daquién especial ese trocito de la nuesa hestoria? En Mónica Aparicio Joyería (frente a les galeríes comerciales del Hotel Reconquista) disponen d’una preciosa colección de celosías prerromániques que va dende pendientes a anillos, pasando por colgantes de plata. Por non falar de los talismanes que tallen basaos na cultura ástur-celta y los sos símbolos con más de trés mil años d’hestoria. Unos talismanes tallaos n’oru de 18 kilates con xemes curioso escoyíes. Amás, xunto con estos talismanes, apúrrennos un dípticu nel que nos espliquen el significáu del símbolu. Una forma brillosa de regala-y un cachu de cultura a esa persona tan especial.
Dirección: Cai Ventura Rodríguez, 4
Horariu: De llunes a vienres de 10:30 a 13:30 y de 17:00 a 20:00 / Sábados de 11:00 a 13:30 y de 17:00 a 20:00
Teléfonu: 984 48 00 38
