De los rellatos de autores como Cicerón, Tito Livio, Verrio Flaco, Plutarco, Horacio, Varrón, Ovidio, Tácito, Dionisos de Halicarnaso, y otros, podemos vislumbrar como se festejaban les Lupercales romanes, que se llamaban así por la divinidá Lupercus, deriváu de lupus, lobo, y de hircus, por el macho cabrío, al que se invocaba pa la protección y la fertilidá de los rebaños.
El rito conllevaba una ceremonia que comenzaba baxo la sombra de una higuera llamada Ruminalis, y onde se sacrificaban cabres y perros. El sacerdote oficiante, con
un cuchillu mancháu col sangre del sacrificiu, tocaba la frente de los luperci,
seguidores de la divinidá, momentu nel que tenín de rise, y darréu, esborriaba
la mancha con un puñáu de guedeyos del animal moyaos en lleche de cabra. Los luperci
namás vestíos coles pelleyes de les cabres puestes porriba del so cuerpu, corríen y
salín en procesión pel monte Palatinu al tiempu que diben dando golpes a la xente que
toparan pel camín con unos llátigos fechos del pelleyu de les cabres sacrificaes,
sobre tou a les muyeres, que buscaben que-yos dieran como ritu de fecundidá y
purificación, esto conocíase como februa o februatio, pol nome del mes. El
percorríu ya nun yera tan ceremonial y los luperci convertíenlo nuna procesión na que
’l públicu animábalos a dar glayíos, facer cantares y bailles como d’antroxu.
Dalgunos autores comenten que nos tiempos del Obispu San Ambrosiu, na
segunda metá del sieglu 4, ya se punxere la fecha del 25 d’avientu como fecha del
ñacimientu de Xesús y asina intentar tapecer el festexu del cultu a Helios, el Sol, hermanu
de Selene, la lluna. Esto dizse porque esiste un documentu conocíu como Depositio
Mártyrum filocaliana, Cronógrafu del 354, pol añu, o Calendariu de Filócalu, que
yera una especie de llistáu o catálogu de mártires cristianos nel que, supuestamente
vien la frase VIII Kal. Ian. Natus Christus in Betleem Iudae. Ello ye, que nun se
conserva l’orixinal y hai delles copies posteriores que fueren actualizándose hasta
nuestros díes, polo que, rialmente, nun se sabe cuándo s’incorporó esa fecha.
