Cangas yá calez motores pa vivir una nueva edición de La Descarga, una de les celebraciones más emblemátiques d’Asturies y declarada Fiesta d’Interés Turísticu. Les Fiestes del Carmen y la Madalena van celebrase del 14 al 22 de xunetu del 2026, con un ampliu programa d’actividaes que va rematar el 16 de xunetu, día grande de la festividá.
El momentu más esperáu va llegar pela tarde del Día del Carmen, cuando la imaxe de la Virxe algame’l centru de la Ponte Romana y dea empiezu La Descarga. N’apenes unos minutos, miles de voladores van españar al unísonu, creando un estrueldu únicu que cada añu axunta a miles de vecinos y visitantes llegaos de toa España.
Les celebraciones van empezar el 14 de xunetu col pregón oficial dende’l balcón del Conceyu, siguíu del tradicional desfile de les Peñes de la Pólvora, la repartida del bollu y el vinu, les primeres tiraes y un espectáculu pirotécnicu que va dar entamu a dellos díes de música, verbenas y actividaes festives.
El 16 de xunetu va arrincar cola diana floriada y la misa solemne na capiya del Carmen. La xornada va siguir cola procesión de xubida, la Misa Mayor na basílica de Santa María Madalena y los tradicionales pasucais, enantes de llegar al intre más esperáu: la Gran Descarga, símbolu de la devoción canguesa y una de les mayores exhibiciones pirotécniques d’Europa.
Les fiestes van enllargase hasta’l 22 de xunetu, festividá de Santa María Madalena, patrona de Cangas. Esi día va tener llugar la tradicional Xira a Santana, con procesión, tiraes de les peñes, animación mientres tola xornada y los conciertos de clausura nel Parque de los Nozales.
El cartelu d’esta edición, obra de l’artista canguesa Ana Álvarez, representa l’intre nel que la Virxe del Carmen algama’l centru de la ponte, xusto enantes del entamu de La Descarga, una imaxe que resume la emoción y el sentimientu d’una celebración fondamente enraigonada na identidá del conceyu.
Martes, 14 de xunetu 2026
- Balcón del Conceyu de Cangas: Pregón de les fiestes del Carmen y la Madalena 2026 al cargu de la científica canguesa, Carmen Rodríguez, y del pregoneru infantil, Martín Menéndez Gutiérrez
- Tirada del pregón.
- Desfile de Peñes de la Pólvora.
- Reparto del bollu y el vinu nel patiu del Ayuntamientu.
- Tiraes a mano de la Pólvora.
- Espectáculu pirotécnicu.
- Primer gran verbena.
Miércoles, 15 de xunetu 2026
- Puesta de bandera de les Peñes.
- Desfile de Xigantes y cabezudos.
- Charangues.
- Segunda gran verbena.
- Tirada a mano Peñes de la Pólvora.
- Espectáculu pirotécnicu.
Xueves, 16 de xunetu 2026: la Descarga
- Diana floriada.
- Misa solemne na capiya del Carmen.
- Procesión de xuba y Tirada de la mañana.
- Misa Mayor en la basílica Santa María Madalena
- Pasucais.
- Avisos de La Descarga.
- Misa solemne na basílica Santa María Madalena.
- Procesión del Carmen y entamu de La Descarga cuando llega la Virxe al centru de la Ponte Romana.
- Tercer gran verbena.
- Tirada a mano.
- Espectáculu pirotécnicu.
Miércoles, 22 de xunetu 2026
- Xira a Santana.
- Procesión y Tirada de la Madalena.
- Misa solemne na basílica Santa María Madalena.
- Zarru de fiestes.
El eventu
- Cuándo
- 14-22 de xunetu
- Ónde
- Cangues del Narcea
Programa
Martes 14 de xunetu
- Pregón oficial dende'l balcón del Conceyu
- Desfile de les Peñes de la Pólvora, repartu del bollu y el vinu
- Primeres tiraes y espectáculu pirotécnicu
Miércoles 15 de xunetu
- Puesta de bandera de les Peñes y desfile de xigantes y cabezudos
- Charangues y segunda gran verbena
- Tirada a mano de les Peñes de la Pólvora
Xueves 16 de xunetu · La Descarga
- Diana floriada y misa solemne na capiella del Carmen
- Procesión de xubida y Misa Mayor na basílica de Santa María Madalena
- Pela tarde La Gran Descarga dende'l Ponte Romanu
Miércoles 22 de xunetu
- Festividá de Santa María Madalena, patrona de Cangues del Narcea
- Xira a Santana, procesión y tirada de la Madalena
- Conceyu
- Cangas del Narcea
- Sección
- Axenda
- Fecha
