Con más de trenta arenales a lo llargo de la so mariña, Llanes puede presumir de ser unu de los conceyos asturianos con mayor bayura llitoral. Dende sableres selvaxes escondíes ente cantiles hasta pequenos rincones familiares d'agües seles, cada rincón llaniscu paez ser diseñáu pa sosprender. Esti tramu oriental del Cantábricu combina paisaxes de postal, formaciones xeolóxiques úniques y redolaes naturales protexíes que conviden tanto al descansu como a l'aventura. Nesti artículu, convidámoste a afayar delles de les sableres más singulares y belles de Llanes, verdaderes xoyes costeres que converten esti conceyu nun destín imprescindible pa los amantes del mar.

Sablera de Ballota

Incluyida nel Paisaxe Protexíu de la Mariña Oriental y escoyíu por National Geographic como una de les más guapes d'España, ta a 2 kilómetros de Llanes ente los arenales de Cue y Andrín. Ye de forma semicircular y mide 350 metros de llargu. Ta arrodiada de cantiles y vexetación. Cuenta con servicios de salvamentu, papeleres, llimpieza, aseos y chiringu (pel branu).

Frente a la sablera ta l'islote El Castru, llar de munches aves marinesa, mui recomendable p'aquellos amantes de los animales. El so sable ye doráu y les sos agües cristalines, perfecta pa realizar snorkel. De normal l'aguaxe ye moderáu, pero los díes que la mar ta brava y choca con bravura los cantiles, fórmase un bufaderu natural per onde se cola un aire como si d'un xeiser tratárase, llamáu'l bufón de Santa Clara.

Sablera d'Andrín

Allugada a 5 kilómetros de Llanes, un isllote dixébralu del arenal de Ballota. Tamién ta incluyida nel Paisaxe Protexíu y nun ye d'estrañar al contemplar la so gran guapura paisaxística, arrodiada de cantiles de gran altor y vexetación.

Mide 240 metros de llargu y alredor de 60 d'anchu. El so sable ye blancu y doráu, les agües tán llimpies y l'aguaxe ye fuerte, esto faila mui atractiva pa los surferos. Tamién hai corrientes fuertes en ciertos puntos, polo qu'hai qu'andar con güeyu si se quier unu bañar.

Hai un aparcamientu na parte cimera y l'accesu piatonal faise al traviés d'unes escaleres. Cuenta con ciertos servicios como chiringu, llimpieza, papeleres y mientres la temporada alta socorristes pel branu. Lal so concurrencia ye moderada y nun ta masificada.

Sablera de Cobih.eru

Clisada pola fama de la so vecina Gulpiyuri, esta desconocida ye otra sablera interior cercana al pueblu de Buelna. Solo puede aportase a ella a pie tres una caminada de 15 minutos, y ye mui pequena, d'aprosimao 30 metros de llargu y 17 d'anchu.

Considerada monumentu natural, ta protexida dende 2001 y forma parte del Paisaxe Protexíu de la Mariña Oriental. Abastezse d'agua a al traviés d'unu resquiebru o túnel soterrañu. El so sable ye blancu con quixarros y les sos agües son seles y mui fondes, como muncho 1 metro. Ta arrodiada de praos y árboles sobre manera, munches acacies.

Nun cunta con nengún serviciu, la so ocupación ye baxa y suel tar tranquila. Ye l'encamientu perfectu pa quien busquen una redolada natural, escondíu y ensin aglomeraciones.

Sablera de Torimbia

Una de les sableres nudistes más famoses d'Asturies dende los años 60 tamién incluyida nel Paisaxe Protexíu de la Mariña Oriental. Ta en Niembru, cerca de Barru y Posada. Solo ye accesible a pie, ta a unos 10–15 minutos del aparcamientu dende'l cual pueden apreciase unes espectaculares vistes del cantil.

Ye una sablera virxe, ensin edificaciones que mide 500 metros de llargu y 100 d'anchu, en baxamar. El so sable ye fino y blanco, les sos agües cristalines y de un azul bien intenso. L'aguaxe puede ser moderáu o fuerte dependiendo del día. Tanto poles sos característiques paisaxístiques como poles de la mar ye perfecta pa los amantes de la fotografía, senderismu y surf. Cuenta con duches y un chiringu, amás de serviciu de salvamentu mientres la temporada de baños.

Ye una sablera de cine, salió en películes como “El Abuelo” y en numberosos spots publicitarios.

Sablera de Barru

Esta sablera semiurbana, con parte natural y parte urbanizada, ta na localidá de Barru, 6 km al oeste de Llanes. El so accesu ye fácil y rodáu, con aparcamientu ampliu. Ye una bien bona opción pa persones con movilidá amenorgada. Mide casi 300 metros de llargu y 60 d'anchu, el so sable ye blanco y fino, y ta arrodiada por peuqeños cantiles y vexetación moderada.

Les sos agües son mui tranquiles, una y bones esta sablera ta protexida naturalmente protexíes polos isllotes llaterales de Sorraos y Xiglu, visibles y accesibles en baxamar. Esto faila ideal pal bañu seguru, xugar con neños y el paddle surf. Ye por esto que la so ocupación ye alta pel branu, especialmente por families. Cuenta con servicios como chiringu, duches, papeleres, y serviciu de socorrismu mientres el branu. Cuenta cola bandera azul por calidá y servicios.