Asturies ye un paraísu natural pa encantar la vista de cualesquier momentu del día, en cualesquier rincón de la nuesa tierra, con un atardecer. Cuando'l sol tiñe'l cielu de mil colores intensos, nel horizonte créase un ambiente máxicu y románticu ingualable. L'escenariu natural tanto en paisaxes costeros como nos de monte invita a los llocales y visitantes a esfrutar d'unes vistes apasionantes.
Anque cada rincón d'Asturies ye ideal pa pasar estos instantes de maxa, ufiertamos trés llugares pa vivir esta esperiencia de distintes formes
Cabu Peñes, el sol del norte
El Cabu Peñes, imponente ante'l mar Cantábricu, ye'l puntu más septentrional d'Asturies. Esto conviértelu nun llugar daqué aislláu, natural y que da la sensación de ser infinitu. Ufierta una visión única, permitiendo esfrutar dende los verdes praos un llenzu lluminosu que s'enllena de colores cuando'l sol se pierde so la mar. D'esta forma, podremos esfrutar d'un atapecer costeru inmeyorable.
El Pico Filso, la mar en monte
Nel Alto da Garganta, Villanueva d'Oscos, podemos ser testigos d'un paisaxe asombrosu. En Pico Filso, a casi 1200 metros d'altitú , puede llegar a vese'l mar dende lo alto del monte, otorgando una sensación de llibertá ante l'atardecer. Por embargu, lo meyor llega cuando les ñubes enllenen el valle y formen un mar nel que fondia la puesta de sol. Esto conviértelu nún de los rincones más máxicos d'Asturies.
Xixón, lluces de ciudá
Pa una esperencia más urbana, anque toles ciudades son guapes so la puesta de sol, los atapeceres dende la sablera San Llorienzo ufierten una visión icónica de la ciudá. El reflexu de colores contrastando cola mar, el tonu anaranxáu qu'adopta'l barriu de Cimavilla col Elogio del Horizonte como llíder... Ensin dulda, un momentu preciosu col que zarrar una gran tarde pel paséu marítimu.
