El pasáu vienres 4 de marzu, los diecisiete miembros de la comitiva asturiana que participaron en Gustoko axuntáronse nel stand d'Alimentos del Paraísu pa brindar por Asturies y pola Cultura Sidrera Asturiana. Ficiéronlo nun actu improvisáu, con DOP Sidra d'Asturies, pa inaugurar la feria de productu alimentariu y gastronómicu de referencia nel mundu agru que se celebró en Bilbao del 4 al 6 de marzu.

De siguío, instituciones locales y rexonales vasques, y tamién la dirección de la feria, visitaron el stand y esfrutaron d'esti caldu asturianu ellaborada con mazana 100% asturiana, acompañaos de la directora xeneral de Desenvolvimientu Rural y Agroalimentación, Begoña López y l'escanciador Wilkin Aquiles.