Llega'l cambéu d'añu y con él, numberoses hestories, lleendes y mitos alredor d'esti períodu tan especial. Les celebraciones y costumes son distintes según el país o inclusive la rexón. En Asturies tenemos delles tradiciones, como Los Aguilandos o Mazcaraes d'Iviernu. Les mazcaraes formen parte d'una tradición bien antigua non solo equí n'Asturies, sinón en casi toa Europa y, anque se celebra en Navidá, ye una fiesta de calter paganu.

Estes son les mazcaraes que se celebren anguaño n'Asturies:

El Guirria

Fiesta de El Guirria y del Aguinaldo

Celébrase'l primer día del añu, el 1 de xineru, en San Xuan de Beleño, la capital del conceyu de Ponga. Esta celebración llena de tradición ancestral y romanticismu el día d'añu nuevu. El Guirria, un amazcaráu metá trasgu, metá personaxe antroxeru va faciendo de les suyes coles muyeres mientres tol día: achuchar, abrazar y besar. Ye como una gran obra teatral per tol pueblu, que se desenvuelve tantu al aire llibre como n'interiores.

Os reises del Valledor

I. Uviéu ⟦*+ ⟧ on Twitter: "Espectaculares Os Reises de Fonteta y El Valledor. La mazcarada d'iviernu, un descubrimientu. https://t.co/c58KSCV8Oi" / Twitter

La comitiva d'esta tradición prestosa ta formada xeneralmente por once personaxes habituales, que van acompañaos de dalgún gaiteru, un tamboriteru y un curdionista. Estos percuerren los pueblos de Vilalaín, San Salvador y Fonteta, parando en cada casa habitada (menos naquelles que tuvieren dalgún fallecimientu esi añu) pidiendo l'aguilandu. Davezu, ye El Choqueiro el qu'encabeza'l grupu, faciendo sonar les ‘llueques’ que suel llevar colgaes pela cintura. El Choqueiro d’os Reises, que va coles llueques col envís de dar anuncia de la presencia de tola comitiva, ye una de les representaciones que los vecinos escueyen d’ente delles persones y que tien el sentíu de premiu, con muncha importancia pa los habitantes d’esta parroquia.

Sidros y Comedies

Sidros 2021, la comedia a distancia

Demientres la celebración d’esta tradición son delles les actividades a les que se pue echar una güeyada na parroquia sierense, como’l saltu con piértiga o la comedia. Nel primer casu, el meyor sidru yera d'antiguo el que meyor saltara. Pa ello, llevaben un palu llargu d'ablanu que facía de piértiga. En munches ocasiones, sobremanera si ente ellos esisten rocees amistoses, cuando tán no más alto de la so trayectoria faen xirar la piértiga y el so cuerpu, describiendo ún y hasta dos círculos completos antes de volver al suelu. Una tradición que solía y suel empecipiar namás que rematen les comedies, que son protexíes polos sidros, y cada añu representen una que cunta les noticies d'actualidá d'Asturies y del mundu.

Estos homes y muyeres antroxaos recuperen l'espíritu del Antroxu asturianu y de les tradicionales celebraciones de mázcares d’iviernu. Los homes-oveya, con mázcares coloraes saltando peles caleyes, faen sonar les llueques mientres qu'acompañen la comedia, que consiste nuna representación sarcástica de teatru popular críticu y burllón colo qu'asocede nel llugar. Nos últimos años, estes comedies tán escrites por José Ramón Oliva, economista, escritor de teatru ya impulsor del teatru costumista.