Los mercaos tradicionales son el reflexu de la cultura gastronómica d'una zona. N'Asturies estos espacios trunfen na venta de productos locales, como los quesos, l'embutíu o los productos artesanales.
Anguaño los mercaos, amás de ser comercios tradicionales, conviértense en puntos d'alcuentru nos que se tresmite la costume ente xeneraciones. Nesta ocasión centrarémonos en trés mercaos asturianos que tienen gran influencia na economía local ya impactu cultural nes sos xentes.
Mercáu el Fontán, n'Uviéu
Tiense constancia de la presencia d'un mercáu n'Uviéu nel sieglu XIII, y ye conocío que'l primer mercáu celebráu na zona del Fontán tuvo llugar en 1524. Anguaño ta na Plaza 19 d'Ochobre d'Uviéu. Amás de tolos puestos gastronómicos más típicos, el mercáu tamién ufierta otros servicios como la recoyida d'aceite de cocina utilizáu, contenedor de piles y contenedores de ropa.
Puede faecese la compra al mercáu online y contribuyir a la compra de productos locales, anque encamentamos dir a los puestos y papate de cultura y tradición. El Fontán abre de llunes a vienres de 8:00 a 20:00 y los sábados de 8:00 a 15:30.
Mercáu de Grau
El mercáu de Grau cunta con 700 años d'hestoria y cada selmana sigue enllenándose de vida polos sos comercios locales. Cada miércoles y domingu decenes de productores tomen les cais, enllenándoles d'esencia asturiana tradicional. Los sos productos más populares son los mesmos de la zona: quesu Afuegal’ Pitu, fabes, miel, productos agrícoles, etc…
Especialmente los domingos aumenta la vitalidá de la villa gracies a que los pequenños comercios locales y la hostelería abren les sos puertes peles mañanes. D'esta forma, quedaría un plan ideal pa pasar la mañana conociendo Grau. A lo llargo del añu tamién s'entamen mercaos temáticos, como'l de Primavera o'l de la Faba. Puedes visitalo de 10:00 a 15:00.
Mercáu de Cangues d'Onís
El mercáu de Cangues celébrase cada domingu dende va más de 200 años. Atrai a un ampliu públicu a consumir los sos productos más frescos y tradicionales, amás de qu'exerce un gran rol a nivel social. Visitantes de toa Asturies deciden pasar el domingu nesta localidá pa esfrutar del so mercáu tradicional y de los comercios, yá qu'en Cangues tolos establecimientos permanecen abiertos cada domingu.
Esti mercáu tien llugar nel mesmu entornu del Palaciu Pintu. Equí vas poder atopar productos llocales asturianos, ente ellos: quesos artesanos, mantega, güevos, una amplia variedá de productos de madera, y un llargu etcétera. Ye un puntu enllenu de vida y con un gran ambiente tradicional nel que se puede esfrutar de la cultura típica d'Asturies.
