José Celestino Casal Álvarez dexónos un 22 de setiembre de 1991 a los sos 41 años por un accidente de coche, en marcando un antes y un dempués nel mundu de la música pop española
El pasáu 2020 salió a la lluz l'últimu discu del artista, «Origen», que considérase que ye un trabayu que l'artista llevaba en secreto dende 1977 y que la so grabación llevóse a cabu mientres un viaxe a Turín muncho primero de facese famosu. Nesti últimu trabayu fai honor a la so tierra natal con un cantar señardosu dedicada a la emigración que-y fixo colar d'Asturies por que la so carrera musical desapegara y definida como «una canción imprescindible, de obligatoria escucha propia de un artista cosmopolita de Tudela Veguín. « Un cantar nel qu'alaba la cultura asturiana y na que pide perdón por nun ser a cantala en llingua asturiana.
Puede considerase como la personificación de la Movida Madrileña, na que destacó pol so barroquismu visual y la so estética Glam Rock. Gracies a les collaboraciones y a la evolución de la so carrera artística , tamién se-y asocia el prestíxu de ser el «David Bowie español».
Compaxinaba los escenarios y los micrófonos cola so carrera como productor, tando presente detrás de películes tan famoses como Bom y otras chicas del montón y Pepi, trabayando a comuña con grandes estrelles como Pedro Almodóvar o Imanol Arias.
Ensin dulda, Tino Casal ye un nome reconocíu y bien presente na hestoria del nuesu país, pero nada d'esto podría ser posible si nun diera los primeros pasos nel mundu musical de la mano de grupos Asturianos como Los Zafiros Negros o Los Archiduques.
Y ye que, en Tudela Veguin tán tan arguyosos de ver nacer y crecer a esti cantante, que nun son poques les reconocencies que tien nesti pueblu uvieín. Lo qu'empezó inaugurándose en 2007 una placa na vivienda onde nació, termina a día de güei, cola última estatua nel so honor el pasáu 2019 de la mano del escultor Anselmo Iglesias Poli, que s'atopa n'una de les zones más allegaes de la capital asturiana.
