Un añu más yá tán de nuevu equí les XXXV Xornaes de la Caza de Piloña. Esta vegada, les ufiertes gastronómiques van dexate impresionáu y vas poder tastiales nos establecimientos que vos mentamos de siguío. Van ser los díes 1, 2, 3 y 8, 9 y 10 de marzu.
Celebraes mientres dellos díes, estes xornaes van apurrir a los asistentes una oportunidá única pa esplorar la riqueza gastronómica local, na que la caza xuega un papel destacáu. Dende platos clásicos hasta creaciones innovadores, los establecimientos participantes van allantar los paladares más esixentes col so inxeniu y maestría na preparación de platos que resalten la esencia de la caza.
Anguaño, los establecimientos hosteleros aumenten hasta los 12, partíos por tola orografía del conceyu piloñés por que, amás de la gastronomía, esfrutes del paisaxe. Toos ellos van ufiertar el menú por un preciu de 35€. Y ye que merez realmente la pena pagar esi preciu cola calidá que tienen los productos de caza ufiertaos nestes xornaes. Asina que tate sollerte, que te cuntamos cómo acutar y ónde de siguío.
Establecimientos de les XXXV Xornaes de la Caza de Piloña y los sos menús
Carne de xabalín, corzu, venáu, falpayares, faisanes, perdices y son dalgunes d'un cientu de posibilidaes nestes xornaes gastronómiques de la caza qu'entama'l Conceyu de Piloña y que cunta col sofitu d'importantes entidaes como la Caxa Rural d'Asturies. Anguaño, estos son los establecimientos que decidieron participar nes XXXV Xornaes de la Caza de Piloña, onde se van poder tastiar los increíbles menús de caza:
- Casa Maruja (La Marea)
- Los Caños (L’Infiestu)
- La Roca (Sevares)
- Café Musical Fresh (L’Infiestu)
- Posada de Barro (L’Infiestu)
- La Atalaya (Torín-Villamayor)
- Bar Pili (Miyares)
- La Parada (Recta de Lleu)
- Casa Marta (Valles de San Román)
- Restaurante Benidorm (Villamayor)
- El Horru (L’infiestu)
Equí, amosámoste los menús d'estos restoranes y los sos númberos pa que puedas acutar la to plaza por cuenta d'estes xornaes y quitar la sede la to fame cola carne de caza d'una calidá inigualable. ¡Cuerri, que s'acaben los sitios pa los dos primeros fines de selmana de marzu!
