- Distancia: 12 quilómetros (ida y vuelta)
- Dificultad técnica: cenciella (p'aquellos que tean avezaos a caminar)
- Desnivel positivu: 657 m
- Altitú máxima: 1161 m
- Altitud mínima: 579 m
- Ruta circular
Nun enclave perfectu de la Sierra del Sueve atópase una de les rutes más conocíes y fáciles d'Asturies, la xubida al Picu Pienzu. Una ruta d'unos 12 quilómetros (día y vuelta) que nun supón una dificultá técnica elevada, p'aquellos que tean avezaos a caminar.
La ruta empieza nel famosu Mirador del Fitu, dende onde sale un senderu qu'empieza a xubir de forma enllargada. Un camín arrodiáu d'árboles dende'l que puede vese parte de la mariña cantábrica (siempres que la meteoroloxía dexe). A lo llargo de tol ascensu pueden vese los conceyos de Caravia, Llastres o sableres como La Griega, La isla o Espasa.
Tres pasar la primer cuesta'l camín enánchase y afáyense nueves vistes pel interior, nesti casu'l conceyu de Parres y al fondu'l bloque occidental del macizu de Picos d'Europa. Si siguimos caminando llegamos a la Mayada de Bustacu onde pueden vese vaques o asturcones. Na Mayada Bustacu pueden faese dos coses; dar media vuelta hasta'l Mirador del Fitu o siguir, y llegar al visu del Picu Pienzu. Dende Bustacu hasta'l final atópase una ascensión mayor que la primera, pero les vistas dende'l picu paguen la pena.
Siguimos xubiendo dende Bustacu hasta la Mayada de Mergullines, pa depués llegar a la Mayada Beluenzu. Antes de llegar al visu vamos ver la cruz que decora'l visu y pa llegar a ella tendremos de dir per un camín estrechu en forma de zig zag.
Una vegada llegamos a la base del picu la panorámica ye impresionante. Vamos tener unes vistes de 360º tantu de la mariña asturiana como de los Picos d'Europa.
El regresu va realizase pel mesmu camín que'l d'ascensión. Anque esiste otra opción que ye baxar pel fayedal de la Biescona, nesta opción la ruta amplíase cuatro kilómetros que se deben facer per una pista d'asfaltu.
