La periodista y fotógrafa Mónica R. Goya regresa al «Paraíso Natural» pa redescubrir so tierra a traviés de so cámara. Anque afincada en Londres siempre mantiene esi idilio con nuesa tierra que ha plasmáu en munchos reportajes.
Cola actual pandemia presente en too el mundu, el periódicu New York Times publica una serie de reportajes «El mundu a traviés de una lente» de fotoperiodistes onde pretenden transportar al lector a munchos de los rincones más bellos de nuesu planeta.
La asturiana Mónica R. Goya tres una década viviendo fuera d’Asturies, relata algunos de los llugares más bonitos y destacaos de la «tierrina» como quien relata un amor de branu, que en esti caso, nunca acaba.
Cabo Peñas. Mónica R. GoyaAsturies ye un llugar de contrastes, onde la industria y la minería conxuguense cola so escelsa naturaleza y hestoria. D’Asturies pueden destacar un llistáu interminable de llugares, dende les sos sableres casi virxes hasta los horros, castos y corripias pasando poles frondoses viesques y zones onde desconectar col mundu pa conectar contigo mesmu. La gastronomía ye otru de los puntos más fuertes de la nuesa tierra y asina lo destaca tamién la fotoperiodista Mónica R. Goya.
Covadonga Fernández Alonso, que aprendió a facer quesu de neña y entamó a pasar sos veranos na montaña a los 7 años, elabora un quesu graso conocíu como Gamonéu. Mónica R. GoyaLes instantánees de esti reportaje nun pueden describir meyor lo que ye el «Paraíso Natural» anque siempre dicen que ye meyor vivirlo que verlo. Concluye la autora que equí pue encontrarse con senderos «pa caminar en silencio durante hores ensin encontrarme con otra alma».
- Conceyu
- Cangues d'Onís · Casu · Gozón
- Sección
- Curiosidaes
- Fecha
