En plenu valle d’Ayer pero perteneciente al conceyu de Mieres, atopamos una ayalga escepcional dientro del patrimoniu industrial asturianu, el Poblau mineru de Bustiello, que dende 2017 cuenta col reconocimientu de Bien d’Interes Cultural.
La hestoria de Bustiello remontase a les decades de 1890-1925, cuando la Sociedad Hullera Española, perteneciente al grupu empresarial del Marques de Comillas, Claudio Lopez Bru, fixo’l poblau cola idea de combinar la convivencia armonica de los mineros nun ambiente de fuerte ideoloxia catolica col paternalismu industrial, sometiendo a un rigurosu control tanto llaboral como social a los propios mineros.
El conxuntu arquiteutonicu destaca pol so urbanismu planificau, con viviendes unifamiliares dispuestes siguiendo la moda arquiteutonica de la epoca con amplies balconaes y galeries, una ilesia, escueles, economatu, casino y hospital, tou ello baxo’l control de la empresa. Esti conxuntu representa unu de los exemplos mas destacaos de paternalismu industrial de toa España.
