Camilo Sousa «Habría sío una pasada ser diputau nes Cortes de Cádiz por Asturies»

Camilo Xabel Sousa González, se define a sí mesmu como un asturianu de buena cepa, enamoráu de nuesa tierra y de toos sos rincones que nos enseña en so programa de «Mochileros». Se dedica a la montaña y sos actividaes, dando cursos y dirigiendo el grupu de montaña de la Universidá d’Uviéu. Ensin duda, poces persones conocen Asturies como él.

Un llugar pa perdese una fin de selmana… Quirós

Un llugar pa vivir… Mi pueblu, les Arriondes

Un platu… Pote

Un postre… Tiramisú

Una playa pa pasar el día… Ribera de Vallina. Oviñana

Un pueblín que nun podemos dexar de ver… San Emiliano, en Allande, cerca del embalse de Grandas de Salime

Un chigre pa tomar unos culinos… El chiringuitu de Maera de Frexulfe

Un parque natural pa visitar… Ponga

Una fiesta a la que nun faltar… El Bollu, últimu fin de selmana de Xunetu, Les Arriondes

Un muséu pa recomendar… L’arqueóloxicu

Un momentu de la hestoria d’Asturies que te prestaría vivir… Habría sío una pasada ser diputau nes Cortes de Cádiz por Asturies, 1812

Un baille pa pasalo bien… Yo soy roqueru, baillar el Mescalina de los Rebeldes

Una pallabra n’asturianu que te preste… Andolina

Una tradición que nun pue perdese… Los bolos. Nun quieru que se pierdan

Una espresión n’asturianu que te preste… Roncar la panolla