Castrillon, la mar de dunes

Asturies ye un llugar tan grande qu’escuende tantes maraviyes que munches vegaes escapen-nos coses que tenemos delantre de nos mesmos. Llugares ablucantes que, non por menos conocíos, son menos especiales, y que visitalos ye asegurase acabar con el na nuesa memoria pa siempres. Tantu la memoria del nuesu corazón como na del nuesu movil, ya que pueden danos pa mil y una semeyes coles qu’enllenar les nueses redes sociales. Y ensin dulda, una d’eses maraviyes sorprendentemente desconocíes ye’l sistema dunar de la sablera de L’Espartal que podemos atopar nel conceyu de Castrillon.

Esti sistema dunar, prolongacion de la sablera de Salinas, ta catalogau como un Monumentu Natural dende 2006, pola mor de la fauna y vexetacion unicos na Europa Atlantica. Especies como’l nardu marin y la espigadiella de mar, incluyíes nel Catalogo Rexonal d’Especies Amenazaes de la Flora Asturiana, que tienen como llar esta sablera, son parte importante d’esti nomamientu.

Anguano, estes zones de dunes tan visiblemente separtaes, pero siguen siendo igual de guapes. El primer cordon de dunes que podemos ver algama los 15 metros d’altor. Tres esti primer cordon hai un estensu campu dunar nel que dificilmente se reconocen los cordones adosaos. Na zona dunar mas proxima a la mar, la especie dominante son les dunes blanques, anque tamien podemos atopar la correguela de les dunes y la lechetreza de les sableres.

Non va muncho, el conceyu foi a remocicar la zona llevemente. Tres anadir unes pasareles peatonales de madera elevada y unos miradorios, tol que tenga la posibilida de tar cerca d’esta maraviya natural tan poco comun n’Asturies va poder esfrutar del ablucante y perprestosu impautu qu’estes guapes dunes faen na naturaleza de la meyor manera posible. El resultau del bon curiáu de la sablera de L’Espartal del que’l conceyu de Castrillon pue presumir, tien como resultau un paisaxe envidiable, de record y ecologicu.