Castrillón, la mar que ver

Castrillón ye un conceyu costeru conocíu como’l «Conceyu de les siete sableres» sicasí son más de siete les que percuerren el so llitoral dende San Xuan de Nieva hasta Bayas. Ye abondo difícil que nun atopes en Castrillón una sablera que te presta, porque hai pa tolos gustos: urbanes y bullicioses, pequeñes, afayadices cales, pa los amantes del surf o pa dir a pasiar colos nuesos amigos los perros.

La de San Xuan ye una playa de arena blanca asentada en un enclave declaráu Monumento Natural gracies a so impresionante sistema dunar, les «Dunas del Espartal», un de los más extensos y gruapos d’Asturies. Ye una arenera larga, con olas fuertes que la faen perbona pa la práctica del surf y otros deportes de agua. Caminando por les pasareles que van dende San Xuan llegamos a Salinas, una espectacular arenera urbana que ye de les más concurríes d’Asturies. En esta arenera ye costumbre ver escueles de surf y surfistes locales dibujando un paisaxe que convirtióse en seña de identidá de esta localidá. Reconocida col distintivu de bandera azul, la de Salinas ye ensin duda, la arenera por escelencia de Castrillón.

Mar y minería xúntense na sablera d’Arnáu, una fondigonada guardada y afayadiza, de sable y piedres, qu’escuende una ayalga, yá qu’al rodiu d’ella hai importantes resto del Patrimoniu Industrial y Mineru de Castrillón y de la d´ómina del Devónicu. Si vas a Arnáu, nun escaezas visitar la que foi la primera mina de carbón d’España, güei convertida en Muséu. La de Santa María’l Mar ye una sablera de sable prieto, formada por dos cales urbanes (El Puertu y La Lleda) nun llugar turísticu que cunta na so rodiada con camping, restoranes y amplios aparcaderos. Ye un arenal tranquilu y con poques foles dende’l que pue vese la islla La Lladrona. Ye otra sablera de Castrillón que cunta col distintivu de bandera azul.

Dempués de Santa María’l Mar atopamos Bahínas, una sablerina, resguardada del aire, de sable escuro y regodones, qu’agospia una gran guapura paisaxística. De fácil accesu y bien equipada, ye ideal pa aquellos que busquen tranquilidá y al mesmu tiempu, bonos servicios.

Na llocalidá de Bayas atopamos dos arenales bien distintivos. Per un llau, tenemos la sablera de Munielles, de fácil accesu ya ideal pa los que busquen un arenal poco concurríu y tranquilu nun entornu incomparable. Con marea baxa, dende allí pue accedese a otres cales entá menos frecuentaes, como El Regueru o la Cala Cordial.

Y pa finar nuesu percorríu por les areneres de Castrillón, llegamos a El Sablón, un arenal de cuasi 3 kilómetros de llargu que acoge un Monumento Natural formáu por so espectacular conjunto dunar y la Isla de Deva. A lo llargo de so extensión podemos localizar diferentes zones a quienes podemos dir acompañaos por nueses mascotes, na parte occidental y una zona frecuentada por naturistes, «Requeixinos», en so parte oriental.

Esti branu nun duldes, ve a esfrutar de les sableres de Castrillón, porque en Castrillón tienen la mar que ver.

Puedes descubrir más d’estes sableres y d’otres ayalgues del conceyu de Castrillón nel nuesu puestu na Feria de Muestres de Xixón.