Los conciertos van celebrase con aforu llindáu na plaza del Centru Niemeyer
Avilés adapta so oferta de conciertos pa esti agosto a la actual situación sanitaria. La concejalía de Festejos trabaja en un programa cola música como protagonista, colos conciertos de seis artistes referentes en España en mui diversos estilos musicales: Alba Reche, Cepeda, Delaporte, Lola Índigo, Loquillo ya Rodrigo Cuevas. Sos recitales ocuparán un espaciu icónicu con toes les garantíes de seguridá: la plaza abierta al mundu del Centru Niemeyer. Tendrán llugar los díes 21, 22, 26, 27, 28 y 29 de agosto, comenzando en toos los casos a les 22:30 hores.
Avilés celebra la música y sofita a los artistes con seis nueches de conciertos n’agostu. La ciudá recupera con fuerza’l so llugar como puntu d’alcuentru de los aficionaos nel norte d’España tres el confinamientu. La villa va ser parada obligatoria de les grandes xires musicales, de la mano de seis artistes españoles bien distintos pa llegar a tou tipu de públicos, d’edaes y gustos musicales.
Les entraes ya tán a la venta na página web www.entradasatualcance.com. Por so parte, la taquilla del Centru Niemeyer únicamente venderá entraes pa persones con movilidá reducida y pa asientos de visual reducida. En esti últimu caso se podrán adquirir a un precio inferior.
Los precios, ensin incluyir los gastos de xestión, son los siguientes:
- Vienres 21. Rodrigo Cuevas. 18 euros (Asientos con visibilidá amenorgada: 14 euros)
- Sábadu 22. Delaporte. 15 euros (asientos con visibilidá amenorgada: 13 euros)
- Miércoles 26. Alba Reche. 20 euros (Asientos con visibilidá amenorgada: 18 euros)
- Xueves 27. Loquillo. 30 euros (asientos con visitiblidá amenorgada: 26 euros)
- Vienres 28. Lola Índigo. 25 euros (asientos con visibilidá amenorgada: 21 euros)
- Sábadu 29. Cepeda. 18 euros (asientos con visibilidá amenorgada: 14 euros)
