Nun enclave privilexau d’Asturies, nel centru-oriente y en plenu corazón de la Comarca de la Sidra, el conceyu de Colunga ufierta a los amantes del turismu un cientu de posibilidaes pa esfrutar d’un territoriu asitiau ente la mar y el monte. Y ye nesti ultimu mediu nel qu’empezamos un percorriu iniciaticu pel ensame de recursos que tien Colunga.
La Sierra del Sueve alzase como un maxestosu macizu montañosu que brinda un paisaxe peculiar nel que se combinen, en pocos quilometros de distancia, grandes altores como la del Picu Pienzu colos sos 1.159 metros, cola mesma vera de la mar nes sableres de La Isla, La Griega o Llastres.
El conceyu cunta amas con un recurso cultural de primer orde: el Muséu del Xurasicu d’Asturies (MUXA), nel que d’una forma didactica y entretenida amuesase la bayura paleontoloxica d’Asturies, polo que ye una de les visites inescusables pa cualesquier persona qu’escueya Asturies como’l so destín de vacaciones.
Restoranes y sidreries nos que tastiar la meyor gastronomia y agospiamientos en llugares tranquilos o en plenes villes, son otros de los atractivos d’esta tierra.
