Conocer Asturies con… Berta Piñon

Conocer Asturies con… Berta Piñon

Un llugar pa perdese… La comarca de los Beyos, un llugar mediu remotu y a tiru piedra.

Un llugar pa vivir… Cangues d’Onis.

Un platu… L’arroz con pitu caleya.

Un postre… La compota de mazana de mio madre. Consigue que los cachos de mazana queden enteros y blandinos a la vez.

Una sablera pa pasar el dia… La playa de Vega. En branu n’atapeciendo, n’iviernu, a cualesquier hora con marea baxa.

Un pueblin que nun podemos dexar de ver… Taranes, en Ponga. Ye un llugar impresionante y tien una lluz especial.

Un chigre pa tomar unos culinos… La Sifoneria, enfrente de mio casa de Cangues. Pol tratu de Marga y Celsin, pol llugar cargau d’hestories. Na mio cai de Madrid tamen hai un bar que se llama igual, ye bien prestosu y voi muncho. Lo que son les coses, los dos unicos llugares con esi nome y los dos téngolos al pie de casa.

Un parque natural pa visitar… El parque natural de Redes. Hai una carreterina que va dende L’Infiestu…

Una fiesta a la que nun faltar… El fin d’anu en San Xuan de Beleñu. Maxica.

Un museu pa recomendar… El Museu Etnograficu del Oriente d’Asturies, en Porrua. Reconozome nesos cuartos modestos que representen la nuesa vida pasada. Amas, nel prau, hai un aguacate impresionante, que ya de por ello merez una visita.

Un momentu de la hestoria… El dia nel que celebremos la oficialida del asturianu.

Un baille pa pasalo bien… El baille de la fiesta de Les Comadres, de la tertulia feminista que lleva esi nome. Lleva la mesma orquesta tocando 24 anos y hai una simbiosis total colos gustos de les muyeres que mos xuntamos alli. ¡Ye divertidisimu!

Una pallabra n’asturianu que te preste… Un axetivu: pindiu. Tolos praos de mio casa son pindios, asina que forma parte del mio ADN por xeneraciones.

Una tradicion que nun pue perdese… La sestaferia. Ye una espresion de la solidarida, del valor del bien comun. Y nun hai cosa que mas pena dea nos pueblos que ver los caminos tomaos…

Una espresion n’asturianu que te preste… «Ye la cuenta», por exemplu: esi abrigu ye la cuenta pa ti, y «Bones nueches, mante».