A 600 metros sobre la mar, a metá de camín pela carretera que xune Colunga y Les Arriondes, atopamos una construccion a primer vista estrana que se llevanta sobre los arboles al final d’unes escaleres. Falamos del Miradoriu del Fitu, asitiau nes coraes de la Sierra’l Sueve, nel conceyu de Caravia.
El propiu nome del miradoriu danos una pista d’onde atopalu: nel fitu xeograficu que dixebra estes dos villes asturianes. Nun cabe dulda que foi siempres una parada obligatoria pa tolos que pasaben per ehi, porque les vistes son ablucantes. Quiciabes por eso nel año 1925 decidio facese una construccion pa que tolos turistes, y non turistes, pudieran esfrutar de les maraviyes d’esi paisaxe inclusive per entiba de los arboles. Anque’l procesu de construccion nun foi facil, ya que nel añu 1926 los promotores d’esa obra fueren desapaeciendo y quedaran ensin soporte economicu. A la desesperada, llanzose una suscripcion popular que permitio rematar la obra.
Güei, el Miradoriu del Fitu ye un de los puntos mas visitaos del oriente d’Asturies, un balcon privilexau dende’l que s’acolumbra tola costa oriental, los Picos d’Europa y, en dies estenos, hasta la Cordillera Cantabrica. Un llugar onde la naturaleza amuesa tola so grandiosida y que naide que pase pela zona tendria de dexar de visitar.
