El sábadu día 4 de payares, a les 12:00 hores, se celebrará la segunda y última sesión les V Jornadas de Patrimonio nel Muséu Etnográficu del Oriente d’Asturies, organizaes en colaboración cola Asociación Asturiana de Antropología y Patrimonio Etnológico (ASAPE). Esti añu, llevan por título «Participación ciudadana y gestión del patrimonio. Una experiencia pionera: Muséu Etnográficu del Oriente d’Asturies».
Les Xornaes van dar empiezu cola inauguración del Camín de Teresa Sordo Sordo, siguida de la mesa participativa «El Muséu y l’entamu d’un llargu camín» y la visita guiada a l’anovada casa llabradora del muséu. Estos actos van cuntar cola presencia de Vanessa Gutiérrez González, Viceconseyera de Cultura, Política Llingüística y Deporte del Principáu d’Asturies, Enrique Riestra Rozas, Alcalde del Conceyu de Llanes, representantes de les instituciones de Porrúa y persones donantes de pieces que güei integren parte de la colección del Muséu.
Con ello finalizarán les V Jornadas de Patrimonio. Esti añu, celebran el XXX aniversariu de la donación de les cases y finca de Llacín que dio orixe al Muséu, por parte de Teresa Sordo Sordo a la comunidá vecinal de Porrúa a traviés del Conceyu de Llanes. Teresa nació en Porrúa y emigró a México siendo mui joven, pero nunca olvidó sos raíces asturianes.
La donación de 1993 animó al vecindariu de Porrúa a crear la Asociación Cultural Llacín, que dende entós ha veníu realizáu una importante labor de dinamización social y cultural en Porrúa, ente la que destaca el haber puesto en marcha el Muséu Etnográficu del Oriente d’Asturies nel añu 2000. Esti protagonismu absoluto de la iniciativa ciudadana nel impulso, creación y consolidación del Muséu, lo convierten na primera experiencia asturiana de participación social na gestión del patrimonio cultural.
