Entrevista a Vero Rubio

La canguesa Veronica Rodriguez Rubio, artisticamente conocida como Vero Rubio, ye musica y la ganadora del XV Premiu Camaretá. Componente de formaciones como Orquesta Céltica Asturiana, estrena asina la so carrera en solitario cola obtencion d’esti galardon.

**Un llugar pa perdete una fin de selmana:** Hai un pueblin en Pravia, llamase Folgueras, ya los dias son preciosos, ensin importar el tiempu que faiga.

**Un llugar pa vivir:** Nesi mesmu pueblín.

**Un platu:** Garbanzos con dagué.

**Un postre:** Un bon bizcuechu.

**Una sablera pa pasar el dia:** Playa de Vidiago… ya la nueite tamién.

**Un pueblin que nun podemos dexar de ver:** Noceda de Rengos, Cangas del Narcea, los sos pastizales son unu de los paisaxes mas impresionantes de la zona.

**Un chigre pa tomar unos culinos:** Ca Beleño foi muitu tiempu la mia cantina… agora ta l’Esperteyu.

**Un parque natural pa visitar:** ¡Home… Muniel.los!

**Una fiesta a la que nun faltar:** Pues tengo duas: una ye dicilo?… El Carmen de Cangas, qu’hai que conocelo, polo menos una vez. Ya outra que quiero muito muito: Los Encuentros Poéticos que fai Armando Vega nas Cuerries d’Espinaréu (que nun falto por nada del mundu).

**Un museu pa recomendar:** Hai un museu mui curiosu pa Muñalén, Navelgas, el «Museo del Bosque».

**Un momentu de la hestoria d’Asturies que te prestaria vivir:** La Revolucion del 34 atraxome siempre muito, pero sei que diba enfadame muito tamién.

**Una pallabra n’asturianu que te preste:** Nun ia nel de Cangas, pemeque ia pa Infiestu, pero: acorricame, que quier dicir «abrazame», «quiéreme», «cúriame»… too xunto.

**Una tradicion que nun pue perdese:** La de xuntanos pa celebrar las cousas que nos faen felices… qu’ia mui grande.

**Una espresion n’asturianu que te preste:** Venga p’aco… La mia madre decialo pa l.lamame con cariñu.