Vicente Díaz ye’l gran cantante de la música asturiana más popular. Heriede natural d’El Presi, entamó ganando concursos de tonada y dempués anovó la so música convirtiéndose nun iconu al que llamen «el llenapraos», pola gran cantidá de siguidores qu’axunta en cada actuación. Con más de venti discos al llombu y decenes de grandes ésitos, cuéntanos les sos recomendaciones pa Conocer Asturies.
**Un llugar pa perdese:** Nuna cabaña nos Picos d’Europa.
**Un llugar pa vivir:** Ónde vivo, nel campu, en Castrillón.
**Un platu:** Calderada de pescaos del pedreru con pataques.
**Un postre:** Una mazanina asturiana.
**Una sablera pa pasar el día:** La de Munielles, en Bayas, nel conceyu de Castrillón.
**Un pueblín que nun podemos dexar de ver:** Oceño, nel Valle Altu de Peñamellera.
**Un chigre pa tomar unos culinos:** La Sidrería Collaciu, n’Avilés.
**Un parque natural pa visitar:** El Parque Natural de Somiedu.
**Una fiesta a la que nun faltar:** El Carmín de La Pola.
**Un muséu pa recomendar:** El Muséu del Pueblu d’Asturies, en Xixón.
**Un momentu de la hestoria que te prestaría vivir:** La dómina del Rei Pelayo.
**Un baille pa pasalo bien:** El xiringüelu.
**Una pallabra n’asturianu que te preste:** Ximelgar.
**Una tradición que nun pue perdese:** Facer la sidra casero.
**Un refrán asturianu que te preste:** «En casa del probe siempre ye de nueche.»
- Conceyu
- Castrillón
- Sección
- Personalidaes
- Fecha
