El Trasiegu Fest ya ye una realidá. El festival de la cultura sidrera asturiana contemporánea acaba de confirmar toa la programación que, durante una selmana, va a llenar cuatro conceyos de la Comarca de la Sidra de una amplia oferta cultural na que nun va a faltar de nada.
El gran eventu del festival van ser los conciertos. Per una parte, la nueche del vienres 22 va ser el tiempu del grupu folklóricu Trebeyu, que va entamar una nueche en mayanza na plaza del conceyu de Santolaya de Cabranes. Per otra parte, la nueche del sábadu va ser musical. A partir de les 18:30 y hasta les 02:00 de la madrugada Luis Nuñez y Los Folganzanes, Algaire, La Tarrancha y Llevólu’l Sumiciu van poner a baillar a tolos presentes. A lo último, la mañana del domingu va tar dedicada a la reciella. A les 12:00 hores ye’l momentu de Mestura, mientres qu’a les 13:00 hores David Varela va dar un conciertu didácticu familiar na Casa de Cultura de Santuyano, nel conceyu Bimenes.
Esti ye el programa completo del Trasiegu Fest:
