Silvia Quesada ye una de les voces nueves de la tonada asturiana. Cantante y maestra, compaxina los escenarios coles aules. Ganei comparte colos llectores de ViaxAst les sos recomendaciones pa Conocer Asturies.
Un llugar pa perdese una fin de selmana
Yo soi de les persones que piensen que ta mui bien conocer munchos paises pero qu’enantes d’eso hai que conocer lo que tenemos alredor, nesti casu n’Asturies. Decidime por un llugar namas paezme mui complicao, por eso voi dicir tres nos que pase fines de selmana mui guapos: La Pola (Somiedu), Teberga y Arenas (Cabrales). Pero realmente n’Asturies cualesquier sitiu ye perfectu pa pasar una fin de selmana, lo importante ye dir cola compania adecuada.
Un llugar pa vivir
Llevo ya unes cuantes mudances al llombu, como bona maestra interina, pero de tolos sitios nos que vivi, quedome con L’Arena y, sobre too, con A Veiga. La xente estranase d’esti ultimu, pero siempres que voi marcho con una pena mui grande, sientome una veiguena mas y creo que nun m’equivoco si digo que los veiguenos me consideren una d’ellos.
Un platu
Soi mui de platos de cuyara. Pa comer en casa, llenteyes, y si voi comer fuera, pote o callos.
Un postre
Como canto nuna cancion: «prefiero mas llegar sin fame al postre».
Una sablera pa pasar el dia
Siempres me presto la de Cueva, nel conceyu de Valdes, pero agora nun me perdonaria nun falar de la de Los Quebrantos, en L’Arena; vivi elli un anu y picu y, anque los oriundos nun la pisen muncho, pa min siempres va ser un llugar especial.
Un pueblin que nun podemos dexar de ver
Os Teixois, ensin dulda. Ye un pueblu del conceyu de Taramundi con un encantu espectacular. Cuando tas elli ye como si tornares p’atras nel tiempu dellos sieglos.
Un chigre pa tomar unos culinos
Nun podria quedar namas con unu. Cuando toi n’Uvieu voi bastante a Gascona, pero’l chigre de la capital que mas me presta pa tomar unos culetes ye la Sidreria Serin. En Turon tamen hai unu imprescindible cuando falamos de sidra: el Chuchu. Amas, tanto nel Serin como nel Chuchu comese d’escandalu, 100% aconseyable.
Un parque natural pa visitar
Toi mas verde nesto de la naturaleza… Supongo que por cercania habria dicir el de Fuentes del Narcea, pero creo que toos merecen la pena.
Una fiesta a la que nun faltar
Barriendo un poco pa casa, San Roque de Tinéu.
Un museu pa recomendar
La mio segunda profesion, el maxisteriu, llevome toos estos anos a conocer abondos museos asturianos. Sicasin, al ultimu que fui, el Museu de Belles Artes d’Uvieu, llevome la faceta de cantante. Nun tuviera nunca elli. Fui a cantar convidada por Pablo Moro y flipe. Tovia nun pudi percorrelu enteru, ye una cuenta pendiente que tengo, pero dende llueu que ye recomendable.
Un momentu de la hestoria
Del pasau dalgun qu’otru, pero hai unu qu’espero vivir nun futuru non mui llonxanu que ye la oficialida de la llingua asturiana.
Un baille pa pasalo bien
Yo nun soi muncho de baillar, tengo que reconocelo, nunca tuvi munchu xeitu… Pero, anque lo faiga mal, nunca me resistire a baillar un Salton.
Una pallabra n'asturianu que te preste
Calecer.
Una tradicion que nun pue perdese
El bateu d’oru, los navayeiros… Hai munches tradiciones y profesiones que nun habrien perdese.
Una espresion n'asturianu que te preste
Toi enta senti una que nun conozia y que me presto muncho: «Una focicada dala cualesquier gochu».
