El conceyu de Riosa vivio’l pasau 18 d’avientu una xornada mui especial cola celebracion del I Alcuentru de Mayores de Riosa, una iniciativa que nacio coles mires de poner en valor la esperiencia, la memoria colectiva y el papel fundamental de les persones mayores na vida social y cultural del conceyu.
La xornada tuvo como exa central una emisión en directo de la Radio del Principáu d’Asturies (RPA), que treslladó los sos micrófonos hasta Riosa pa recoyer voces y vivencies del conceyu. L’espaciu radiofónicu ufiertó una mirada cercana y emotiva a la realidá riosana al traviés d’entrevistes y rellatos.
Mientres la grabacion foi entrevistau l’alcalde de Riosa, Roberto Alvarez, quien destaco la importancia de crear espacios d’alcuentru pa les persones mayores. Tres la grabacion del programa, l’alcuentru siguio con una parte mas festiva y musical. El duu Mestura, xunto col coru de Voces Mansoleas, foi l’encargau d’animar la tarde-nueche con un repertoriu animau, convidando al publicu a participar, cantar y esfrutar. La musica convirtiose nun elementu d’union, creando un ambiente festivu qu’animo a baillar a munchos de los asistentes.
La xornada tuvo acompañada de musica pal baille y remato con una gran espicha, que sirvio como espaciu de convivencia y alcuentru ente vecinos y vecines. El balance foi bien positivu, cola intencion de dar continuida a esti tipu d’alcuentros como cita añal.
