Justo Braga ye llingüista, periodista y escritor. Trabaya na RTPA. Ye responsable de conteníos de la radio autonómica (RPA) y dirixe y presenta pa TPA’l programa «Vidas publicas, vidas privadas» Enantes tuvo na cadena SER, Antena 3, onde foi director de Castiella y Llión y otros medios.
A piques de cumplir cuarenta años nel periodismu, compaxina esta actividá cola d’articulista de prensa escrita o revistes lliteraries. Acaba de publicar el so últimu poemariu: «Todos tus crímenes». Enantes espublizó » Poemas del apacible interior» , » La fábula del viento » o «De todo lo vivido» , y la novela : » Mi bola de cristal». Anguaño prepara’l so primer poemariu en llingua asturiana. Ye tamién guionista pa distintos documentales de televisión.
Un llugar pa perdese una fin de selmana…
Cualquier llugar de los Picos de Europa. O cualquier pueblu asturianu. La montaña siempre. Un nun deja de ser nunca un paisanu de pueblu
Un llugar pa vivir…
Uviéu. Ensin dúdalo. Pa pasear, pa escribir, pa vivilo.
Un platu…
El pote ye el rey de la gastronomía astur o el » arroz al trote», plato clásicu de la cuenca minera y non mui conociu
Un postre…
Les Casadielles… pero frites, al horno nunca!
Una playa pa pasar el día…
Cualquiera del occidente asturianu. Valenme toes
Un pueblín que nun podemos dexar de ver…
El miu. Urbies, en lo más alto Del Valle de Turón. Eso ye otru mundu
Un chigre pa tomar unos culinos…
Pues Casa Nando . Tamién en Urbies y después otru platu de la zona : garbanzos con gambes
Un parque natural pa visitar…
Muniellos, claro . Y amás Somiedo
Una fiesta a la que nun faltar…
La descarga en Cangas del Narcea. Nun se pue morrer ensin velo
Un muséu pa recomendar…
El Bellas Artes. Una joya única y mui poco valorada
Un momentu de la hestoria d’Asturies que te prestaría vivir…
Esi de Pelayo en Covadonga . Pa mi que hai ahí muncha fantasía
Un baille pa pasalo bien…
La danza prima , pero hai que vivirla en Xan Xuan en Mieres
Una pallabra n’asturianu que te preste…
Afallaizu ( creo que se escribe así )
Una tradición que nun pue perdese…
Toles tradiciones asturianes merecen seguir na hestoria de Asturies. Tenemos un patrimoniu únicu y universal . Y … no ye tradición, pero ye viva : La llingua. Pa no perderla, lo meyor que sea oficial. Sin duda
Una espresión n’asturianu que te preste…
Llevar al nenu a arrecostrines
- Conceyu
- Cangas del Narcea · Cangues d'Onís · Mieres · Somiedu · Uviéu
- Sección
- Personalidaes
- Fecha
