A lo llargo de los años, nos pueblos siempres hebo munches costumes coles que celebrar el final d’un añu y l’entamu del siguiente. N’Asturies, nestes feches d’iviernu siempres foi mui celebráu l’aguilandu. Siguiendo esta costume, los mozos y les moces van pidiendo perres o comida a los vecinos tres facer dalguna pequeña actuación o dalgún cantar. Pa esto, en munches zones yera importante dir mazcaráu, hasta’l puntu qu’en zones como Tameza l’acción de dir pidiendo l’aguilandu conozse como “mazcaráu”. l’aguilandu. Siguiendo esta costumbre, los y les jóvenes van a dir pidiendo dineru o comida a los vecinos tres facer alguna pequeña actuación o alguna canción. Pa esto, en munches zones yera importante dir enmascaráu, hasta el puntu de que en zones como Tameza la acción de dir pidiendo conozse como mazcaráu.
L’aguilandu pidíase davezu na Nuechebona. Al escurecer, neños y neños bien mozos xuntábense pa pidir nes cases de los vecinos del pueblu, o inclusive nos pueblos de la contorna. Por exemplu, en San Román (nel conceyu de Sariegu) diben a Pedrosa y Verdera (pueblu vecín, pero llocalizáu nel conceyu de Cabranes). Solíen dir con una pandereta, una zombomba y una cesta pa meter lo que-yos dieren. Los guah. es diben picando en cada casa diciendo “¿Cantar, rezar o echar a andar?”. Si na casa pidíen rezar, los guah.es rezaben dalgún Padre Nuesu o Ave María por algún difuntu. Esto facíase davezu nes cases nes que morriera daquién va poco. Si lo que pedíen yera “cantar” los guah.es cantaben coples como:
- Deme l’aguilandu, señora güelina, Un galipu fabes y una manteguina
Tres cantar, a los guah.es dáben-yos davezu una perrona, cuatro castañes, mazanes, nueces, dalgún chorizu… que metíen na cesta. Sicasí, tamién podíen atopase con dalguna casa onde nun-yos dieren nada.
N’otros llaos ye costume pidir l’aguilando representando una auténtica comedia, como ye’l casu de los zamarrones de L.lena o los guirrios o sidros del Valle del Nalón y Siero.
