La escapada mas natural pelos valles somedanos
Si vas o quies facer una escapada y tienes gana d’arrodiate de naturaleza autentica, tenemos l’activida perfecta pa ti: conocer unu de los parques naturales mas espectaculares qu’hai n’Asturies: El Parque Natural de Somiedo.
Esti parque pue considerase unu de los espacios protexios que meyor representen los valores naturales y etnograficos del monte asturianu.
Asitiase nel sector centru occidental, llinda al norte col conceyu de Miranda, al sur con Llion, al este col conceyu de Teberga y al oeste colos conceyos de Cangas y Tineu.
El Parque Natural estiendese per cinco valles: Saliencia, Llagu del Valle, Puertu y La Pola, Perlunes y Pigüena, y los sos cinco rios, tomando una estension de 283 quilometros cuadraos. Al pie d’ellos pueden estremase otros valles secundarios, como’l Puertu, Aguinu, Las Morteras, Clavichas o La Bustariega. Trenta y ocho noyos de poblacion distribuinse pel accidentau relieve somedanu. Cuasi too son pequenes aldees que caltienen numberoses amueses de l’arquiteutura tradicional de la zona. La poblacion ye d’unos 1.600 habitantes, siendo La Pola la capital del conceyu.
Somiedo foi’l primer Parque Natural d’Asturies, declarau en xunu de 1988. Esta declaracion foi complementada nel anu 2000 al convertise en Reserva de la Biosfera. Dende Conocer Asturies recomendamoste facer la ruta Llagu del Valle, una sienda cenciella que pue facese nun total de cuatro hores (dir y tornar) ensin problema.
¿Que facer nel conceyu?
Les posibilidaes pal turista son bien variaes nesti conceyu. Esisten doce rutes perfectamente senalizaes que percuerren les distintes brañas, llagos y montes y que pueden faese a pie, en bici de monte o a caballu.
En La Campa, en La Pola, atopase’l Centru de Recepcion ya Interpretacion del Parque Natural, onde tan les oficines del Parque, la Oficina d’Informacion Turistica, abierta tol anu y nel que pue visitase una esposicion permanente sobre’l Parque.
La caza, la pesca o l’esqui de fondu son tamen actividaes comunes, destacando tamen la berrea del venau nel empiezu de la seronda. El conceyu dispon de serviciu de taxi y llinia regular d’autobus y ta asitiau a poco mas de 35 quilometros de la Estacion d’esqui de Lleitariegos.
Nel pueblu de La Peral ta’l Miradoriu del Principe, inaugurau nel anu 1990 pol entos Principe Felipe, y dende’l que podemos ver delles de les vistes mas ablucantes del Parque Natural, como El Cornon o La Braña Mumian.
La visita al Ecomuseu, nes sos dos espacios en La Pola y en Veigas, pueden facese tol anu. Nes instalaciones de La Pola pueden conocese los oficios tradicionales, y nes de Veigas la casa tradicional somedana y la so evolucion a lo llargo del tiempu.
La Fundacion Oso Pardo
La Fundacion Oso Pardo, dedicada al caltenimientu del osu pardu y el so habitat, tien un centru d’informacion en La Pola, onde pueden contratase los servicios de los sos monitores especializaos pa facer rutes guiaes pel Parque Natural.
El Mercau de Nueite y otros festexos
A mediaos del mes d’agostu, el 14 y 15, podemos esfrutar en La Pola del Mercau de Nueite, un mercau d’artesania y de productos tipicos, amenizau por musica tradicional asturiana. Amas, demientres tol branu celebrense fiestes populares nos pueblos del conceyu.
Los dies 5, 6 y 7 de setiembre tien llugar nel Recintu Ferial de La Pola’l Concursu Esposicion de la Raza Asturiana de los Valles. Coles mesmes, el dia 8 de setiembre n’El Puertu, tien llugar una de les feries de ganau mas importante d’Asturies. Otres cites ganaderes somedanes son: el 29 de xunu n’El Puertu, la feria de San Pedru; el dia 30 d’abril y el 1 de payares, les feries d’Aguasmestas, y el cuartu sabadu de xineru, la Feria de La Pola.
